ନୂଆଦିଲ୍ଲୀ: ସାଲ୍ୟୁଟ ମାରି ସୁଷମାଙ୍କୁ ଅନ୍ତିମ ବିଦାୟ ଦେଇଛନ୍ତି ସୁଷମା ସ୍ବରାଜଙ୍କ ସ୍ବାମୀ ସ୍ବରାଜ କୌଶଳ ଏବଂ ଝିଅ ବାଂଶୁରୀ ସ୍ବରାଜ । ତ୍ରିରଙ୍ଗା ମଧ୍ୟରେ ଢାଙ୍କି ହୋଇଥିବା ସୁଷମାଙ୍କ ମର ଶରୀରକୁ ଦେଖି ଭାବୁକ ହୋଇଯାଇଥିଲେ ଦୁହେଁ । ସୁଷମାଙ୍କ ଦେହରେ ତ୍ରିରଙ୍ଗା ଦେଖି ଆପେ ଆପେ ସାଲ୍ୟୁଟ ମାରିବାକୁ ଉଠି ଯାଇଥିଲା ଉଭୟଙ୍କ ହାତ । ତେବେ ଏହି ଦୃଶ୍ୟ ଏତେ ଭାବବିହ୍ବଳ ଥିଲା ଯେ ସେଠାରେ ଥିବା ସମସ୍ତଙ୍କ ଆଖିରୁ ବୋହି ପଡିଥିଲା ଅଶ୍ରୁ ।
ସୂଚନା ଯୋଗ୍ୟ ଯେ, ପୂର୍ବତନ ବିଦେଶ ମନ୍ତ୍ରୀ ସୁଷମା ସ୍ବରାଜଙ୍କ ମଙ୍ଗଳବାର ରାତିରେ ନିଧନ ହୋଇଥିଲା । ଦିଲ୍ଲୀ ଲୋଧୀ ରୋଡ ସ୍ଥିତ ଶ୍ମଶାନରେ ତାଙ୍କର ଅନ୍ତିମ ସଂସ୍କାର ଝିଅ ବାଂଶୁରୀ ସ୍ବରାଜ କରିଥିଲେ ।
