ନୂଆଦିଲ୍ଲୀ: ଏୟାର ଇଣ୍ଡିଆ ଆପଣାଇଛି ନୂତନ ଜ୍ଞାନ କୌଶଳ । ପ୍ରଥମ ଥର ପାଇଁ ବିମାନର ସଫେଇ ଓ ସାନିଟାଇଜ ପାଇଁ ରୋବଟିକ ପ୍ରଯୁକ୍ତି ବିଦ୍ୟାକୁ ସ୍ଥାନ ଦେଇଛି ଏୟାର ଲାଇନ । ବିମାନର ଆଭ୍ୟନ୍ତରୀଣ ସଫେଇ ଓ ସାନିଟାଇଜ କାର୍ଯ୍ୟ ପାଇଁ ମନୁଷ୍ୟ କର୍ମଚାରୀଙ୍କ ବଦଳରେ ରୋବର୍ଟିକ ଡିଭାଇସ ବ୍ୟବହାର କରିଛି ସଂସ୍ଥା । ରୋବର୍ଟ ଦ୍ବାରା ବିମାନର ଭିତର ଭାଗର ସଫେଇ ଓ ସାନିଟାଇଜ କରିବା ଭଳି କାମରେ ରୋବର୍ଟିକ ଡିଭାଇସର ବ୍ୟବହାର କରିବାକୁ ଯାଉଛି ସଂସ୍ଥା । ଆଜି ବୋଇଙ୍ଗ-737-800 ଶହ ବିମାନରେ ଏବି ସେବାକୁ ଆରମ୍ଭ କରାଯାଇଛି । ଦିଲ୍ଲୀର ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରୁ ଏହି ଅତ୍ୟାଧୁନିକ ବ୍ୟବସ୍ଥା ଆରମ୍ଭ କରିଛି କମ୍ପାନୀ ।
ବିମାନର ଭିତର ଭାଗରେ ଥିବା ସିଟ ଓ ଅନ୍ୟାନ୍ୟ ଅପହଞ୍ଚ ସ୍ଥାନରେ ଏହି ରୋବୋର୍ଟିକ ମେସିନ ସୁବିଧାରେ ପହଞ୍ଚିବା ସହିତ ଉନ୍ନତ ମାନର ସଫେଇ ଓ ସାନିଟାଇଜ ସୁବିଧା ଦେଇ ପାରୁଛି । ଯାହା ଜଣେ ସାଧାରଣ ମନୁଷ୍ୟ କର୍ମଚୀରୀଙ୍କ ପାଇଁ କଷ୍ଟସାଧ୍ୟ ଓ ସମୟ ସାପେକ୍ଷ ମଧ୍ୟ ହୋଇଥାଏ । ଏହି ବ୍ୟବସ୍ଥାକୁ ପରୀକ୍ଷା ମୂଳକ ଭାବେ ଆରମ୍ଭ କରାଯାଇଥିବା ବେଳେ ଆଗାମୀ ଦିନରେ ଏହାକୁ ଅନ୍ୟ ବିମାନ ବନ୍ଦରକୁ ସଂପ୍ରସାରଣ କରିବାକୁ ଲକ୍ଷ ରଖିଛନ୍ତି ଏୟାର ଇଣ୍ଡିଆ କର୍ତ୍ତୃପକ୍ଷ ।
ଏହି ଅତ୍ୟାଧୁନିକ ରୋବର୍ଟିକ ବ୍ୟବସ୍ଥା NABL ଦ୍ବାରା ବିକଶିତ ହୋଇଛି । ତେବେ ଉକ୍ତ ସଂସ୍ଥା ସହ ଅନୁବନ୍ଧିତ ହୋଇଛି ଏୟାର ଇଣ୍ଡିଆ । ଆଗାମୀ ଦିନରେ ସଂସ୍ଥା ଠାରୁ ଆହୁରି ଅଧିକ ରୋବର୍ଟିକ ଡିଭାଇସ କିଣିବା ପାଇଁ ଚିନ୍ତା କରୁଛି ଏୟାର ଇଣ୍ଡିଆ ।
ବ୍ୟୁରୋ ରିପୋର୍ଟ, ଇଟିଭି ଭାରତ
