ରାୟପୁର: ଛତିଶଗଡ ନାରାୟଣପୁର ଜଙ୍ଗଲରେ IED ବିସ୍ଫୋରଣ । ଫଳରେ CAF 16 ବାଟାଲିୟନର ଜଣେ ଯବାନ ଗୁରୁତର ଆହତ ହୋଇଥିବା ଜଣାପଡିଛି । ଆହତ ଯବାନଙ୍କୁ MI17 ହେଲିକପ୍ଟର ଯୋଗେ ରାୟପୁରକୁ ସ୍ଥାନାନ୍ତର କରାଯାଇଛି । ନାରାୟଣପୁର ଏସପି ମୋହିତ ଗର୍ଗ ଏନେଇ ସୂଚନା ଦେଇଛନ୍ତି ।
ଆହତ ଯବାନଙ୍କୁ RKCH ରାୟପୁରକୁ ରେଫର୍ କରାଯାଇଛି । ଟ୍ରୁପ ଅର୍ଚା ରୋଡରେ ଥିବା ROP ଅଭିମୁଖେ ଯିବା ସମୟରେ ଏହି ଅଘଟଣ ଘଟିଥିଲା । ଆନ୍ଧାମୋଡ ସମ୍ମୁଖରେ ଥିବା ଅର୍ଚା ରାସ୍ତାରେ ଟେକ୍ରି ତଳେ ମାଓବାଦୀମାନେ ଲଗାଇଥିବା ପ୍ରେସର ବୋମା ଫୁଟିବା କାରଣରୁ କନଷ୍ଟେବଳଙ୍କ ମୁହଁ ଓ ଆଖିରେ ଗଭୀର ଆଘାତ ଲାଗିଛି । ଅନ୍ୟ ପୋଲିସ ଅଧିକାରୀ ସୁରକ୍ଷିତ ଥିବା କୁହାଯାଉଛି ।
ମୋହିତ ଗର୍ଗ କହିଛନ୍ତି ଯେ ନକ୍ସଲମାନଙ୍କ ଦ୍ବାରା ଅର୍ଚା ଧାନୋରାରେ IED ବିସ୍ଫୋରଣ ହୋଇଥିଲା। ଏହା ପରେ ଗୁଳି ବିନିମୟ ମଧ୍ୟ କରାଯାଇଥିଲା । ଏହା ପରେ ସୈନିକମାନେ ମଧ୍ୟ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ଏବଂ 10 ମିନିଟ ଧରି ଗୁଳିବିନିମୟ ପରେ ନକ୍ସଲମାନେ ସେଠାରୁ ପଳାଇ ଯାଇଥିଲେ।
