ନୂଆଦିଲ୍ଲୀ: କାଉନସିଲ୍ ଫର୍ ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ପରୀକ୍ଷା (ଆଇସିଏସ୍ଇ) ଦଶମ ଓ ଦ୍ବାଦଶ ପରୀକ୍ଷା ଲକଡାଉନ୍ ଶେଷ ହେବା ପରେ ଘୋଷଣା କରାଯିବ। ବୋର୍ଡ ସ୍ପଷ୍ଟ କରିଛି ଯେ ଦଶମ ଓ ଦ୍ବାଦଶ ପରୀକ୍ଷା 14 ଟି ବିଷୟ ପାଇଁ ହେବ। ଏହି ପରୀକ୍ଷା ସମାପ୍ତ କରିବାକୁ ବୋର୍ଡ 6-8 ଦିନ ଲାଗିବ, ଏଥିରେ ଶନିବାର ଏବଂ ରବିବାର ମଧ୍ୟ ଅନ୍ତର୍ଭୁକ୍ତ ହେବ ।
ବୋର୍ଡର ୱେବସାଇଟରେ ଜାରି କରାଯାଇଥିବା ବିଜ୍ଞପ୍ତିରେ ପରୀକ୍ଷା ଓ ଫଳାଫଳ ସହ ଜଡିତ ପ୍ରତ୍ୟେକ ସୂଚନା ଦିଆଯାଇଛି। ଏହି ବିଜ୍ଞପ୍ତି ଅନୁଯାୟୀ ବୋର୍ଡ ପରୀକ୍ଷାର 8 ଦିନ ପୂର୍ବରୁ ପରୀକ୍ଷା ଟାଇମ୍ ଟେବଲ୍ ପ୍ରକାଶ କରାଯିବ ।
ଏଥିସହ ଦଶମ ଓ ଦ୍ବାଦଶର 14 ଟି ବିଷୟର ପରୀକ୍ଷା ଫଳାଫଳ ପରୀକ୍ଷାର 6-8 ଦିନ ମଧ୍ୟରେ ପ୍ରକାଶ ପାଇବ । ଦଶମର 6 ଟି ବିଷୟ ଓ ଦ୍ବାଦଶର 8 ଟି ବିଷୟ ରହିଛି । ଲକଡାଉନ୍ ହେତୁ ଏପର୍ଯ୍ୟନ୍ତ ଏହି ପରୀକ୍ଷା କରାଯାଇ ନାହିଁ । CISCE ବୋର୍ଡ ନିଷ୍ପତ୍ତି ନେଇଛି ଯେ ଏହି ସମୟ ମଧ୍ୟରେ, CISCE ର ବିଦ୍ୟାଳୟଗୁଡିକ ଏକାଦଶରେ ଦଶମ ଛାତ୍ରମାନଙ୍କୁ ଆଡମିଶନ ଦିଆଯିବ । ଛାତ୍ରମାନଙ୍କ ପାଇଁ ଅନଲାଇନ୍ ପାଠ୍ୟକ୍ରମ ଜାରି ରଖିବାକୁ ନିର୍ଦ୍ଦେଶ ଦିଆଯାଇଛି। ବୋର୍ଡ କହିଛି ଯେ ବିଭିନ୍ନ ବିଦ୍ୟାଳୟ ଗୁଡିକ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ପିଲାମାନଙ୍କୁ ଶିକ୍ଷା ଦେବା ପାଇଁ ମଜାଳିଆ ଏବଂ ସୃଜନଶୀଳ ଶିକ୍ଷା ଅନ୍ତର୍ଭୁକ୍ତ କରିପାରିବେ ।
ଅନ୍ୟପକ୍ଷେ ସିବିଏସ୍ଇ ବୋର୍ଡ 29ଟି ମୁଖ୍ୟ ବିଷୟ ଉପରେ ପରୀକ୍ଷା କରିବ। ବୋର୍ଡ ପରୀକ୍ଷଣର ବିଷୟବସ୍ତୁକୁ ନେଇ ସିବିଏସ୍ଇ କହିଛି ଯେ COVID-19 ମହାମାରୀ ପରିସ୍ଥିତି ଯୋଗୁଁ ବୋର୍ଡ 8ଟି ପରୀକ୍ଷା ଦିନରେ ପରୀକ୍ଷା କରିବ।
