ନୂଆଦିଲ୍ଲୀ: ଦିଲ୍ଲୀ ହିଂସାରେ ଆଇବି ଅଧିକାରୀ ଅଙ୍କିତ ଶର୍ମାଙ୍କ ହତ୍ୟା ମାମଲାରେ ଆମ୍ ଆଦମୀ ପାର୍ଟିର ନିଲମ୍ବିତ କାଉନସିଲର ତାହିର ହୁସେନଙ୍କୁ 7ଦିନିଆ ପୋଲିସ ହେପାଜତରେ ପଠାଯାଇଛି । କରକାଡୋମା କୋର୍ଟ ତାହିରଙ୍କୁ 7 ଦିନିଆ ପୋଲିସ ହେପାଜତକୁ ପଠାଇଛନ୍ତି ।
ଗୁରୁବାର ଦିଲ୍ଲୀ ହିଂସାର ଅନ୍ୟତମ ମାଷ୍ଟର ମାଇଣ୍ଡ ତଥା ଆଇବି ଅଧିକାରୀ ଅଙ୍କିତ ଶର୍ମାଙ୍କ ହତ୍ୟା ମାମଲାରେ ତାହିର ହୁସେନ୍ଙ୍କୁ ଦିଲ୍ଲୀ ପୋଲିସ ଗିରଫ କରିଥିଲା । କୋର୍ଟରେ ଆତ୍ମସମର୍ପଣ କରିବା ଲାଗି ସେ କରିଥିବା ଆବେଦନ ଖାରଜ ହେବା ପରେ ତାକୁ ପୋଲିସ ଗିରଫ କରିଥିଲା ।
ଏଠାରେ ସୂଚନା ଯୋଗ୍ୟ ଯେ, ଗତ ସପ୍ତାହରେ ଉତ୍ତର-ପୂର୍ବ ଦିଲ୍ଲୀରେ ହୋଇଥିବା ହିଂସା ଯୋଗୁଁ ମୃତ୍ୟୁ ସଂଖ୍ୟା ୫୩ରେ ପହଞ୍ଚିଛି । ଏହାସହ ହିଂସା କାଣ୍ଡରେ ପ୍ରତ୍ୟେକ୍ଷ ଓ ପରୋକ୍ଷ ଭାବରେ ଜଡିତ ଥିବା ନେଇ ୧୮୨୦ ଜଣଙ୍କୁ ଗିରଫ କାରଯାଇଥିବା ବେଳେ 654 ମାମଲା ପଞ୍ଜୀକୃତ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
