ବେଙ୍ଗାଲୁରୁ: କର୍ଣ୍ଣାଟକ କଂଗ୍ରେସ ଓ ଜେଡିଏସର 16 ବିଧାୟକ ଇସ୍ତଫା ଦେଇ କ୍ଷମତାରେ ଥିବା ସରକାରକୁ ଏକ ପ୍ରକାର ଅସ୍ଥିର ପରିସ୍ଥିତିରେ ରଖିଛନ୍ତି । ଏଇ ମଧ୍ୟରେ ବର୍ତ୍ତମାନ ବିଧାୟକ ନିଜ ନିଷ୍ପତ୍ତିରେ ଅଟଳ ରହିବେ କି ଇସ୍ତଫା ପ୍ରତ୍ୟାହାର କରିବେ ଏନେଇ ଦ୍ବନ୍ଦରେ ଥିବା ଦେଖିବାକୁ ମିଳୁଛି ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
କଂଗ୍ରେସର ବିଦ୍ରେହୀ ବିଧାୟକ ଏମଟିବି ନାଗରାଜ ଦେଇଥିବା ପ୍ରତିକ୍ରିୟା ଏହି ଦ୍ବନ୍ଦକୁ ଆଉଟିକେ ବଢାଇ ଦେଇଛି । ପରିସ୍ଥିତି ଏମିତି ଥିଲା କି ବିଧାୟକ ଇସ୍ତଫା ଦେଇଥିଲେ ବୋଲି ନାଗରାଜ କହିଛନ୍ତି । ଏବେ ଡିକେ ଶିବକୁମାର ଆସି ଇସ୍ତଫା ଫେରାଇବାକୁ ଅନୁରୋଧ କରିଥିବା ବେଳେ କେ ସୁଧାକରଙ୍କ ସହ କଥା ହେବା ପରେ କୌଣସି ନିଷ୍ପତ୍ତି ନିଆଯିବ ବୋଲି ନାଗରାଜ କହିଛନ୍ତି । ସବୁପରେ ବି କଂଗ୍ରେସରେ ବହୁ ଦଶନ୍ଦି ବିତାଇଛନ୍ତି ବୋଲି ନାଗରାଜ ପ୍ରତିକ୍ରିୟା ଦେଇଛନ୍ତି। ଅନ୍ୟପକ୍ଷରେ ଇସ୍ତଫା ଦେଇଥିବା କଂଗ୍ରେସର ସମସ୍ତ ବିଦ୍ରୋହୀ ବିଧାୟକ ଶନିବାର ଶିରିଡି ଯାଇଥିବା ନେଇ ସୂଚନା ମିଳିଛି।
