ଚିକାଗୋ: କୋଭିଡ୍-19ର ଶିକାର ହୋଇଥିବା କର୍କଟ ରୋଗୀଙ୍କ ଜୀବନ ସହିତ ଖେଳୁଛି ଭାରତୀୟ ଆଣ୍ଟିବାୟୋଟିକ୍। ଯଦିଓ କୋରୋନା ସଂକ୍ରମିତଙ୍କ ମଧ୍ୟରେ ଭାରତୀୟ ଔଷଧ ହାଇଡ୍ରୋକ୍ସି-କ୍ଲୋରୋକୁଇନ୍ ଉତ୍ତମ ତଥା ଏକମାତ୍ର ସଂଜୀବନି ଭାଵେ ଗୌରଵ ଆଣିଥିଲା, ଏଵେ ତାହା ବ୍ୟାନ୍ କରାଯାଇଛି।
ଆମେରିକାର ପ୍ରତିଷ୍ଠିତ ଅନୁସନ୍ଧାନକାରୀମାନେ ଜାଣିବାକୁ ପାଇଛନ୍ତି ଯେ, କୋରୋନା ଭାଇରସକୁ ପ୍ରତିରୋଧ କରିବା ପାଇଁ ଆଣ୍ଟିବାୟୋଟିକ୍ ଆଜିଥ୍ରୋମାଇସିନ୍ ଔଷଧ ସହିତ ହାଇଡ୍ରୋକ୍ସି-କ୍ଲୋରୋକୁଇନ୍ ମିଶ୍ରଣ କରି ରୋଗୀଙ୍କୁ ଦିଆଯାଉଥିଲା। ଏହାକୁ ସେବନ କଲେ, କୋଭିଡ୍-19 କର୍କଟ ରୋଗୀମାନେ 30 ଦିନ ମଧ୍ୟରେ ମରିବାର ସମ୍ଭାବନା ଯଥେଷ୍ଟ ଅଧିକ ରହିଥିବା ଜଣାପଡିଛି।
ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ଵାରା ଏହି ଔଷନ ମିଶ୍ରଣକୁ ବହୁଳ ଭାବରେ ପ୍ରୋତ୍ସାହିତ କରାଯାଇଥିଲା। ତେଵେ ପ୍ରାଥମିକ ଫଳାଫଳରୁ ଜଣାପଡିଛି ଯେ, ଅଧିକ ଅଧ୍ୟୟନ ନହେବା ପର୍ଯ୍ୟନ୍ତ ଡାକ୍ତରମାନେ ଏହି ରୋଗୀମାନଙ୍କ ପାଇଁ ଏହି ଦୁଇଟି ଔଷଧ ଲେଖି ପାରିବେ ନାହିଁ। ଏଥି ନିମନ୍ତେ ନୂଆ କଟକଣା ଜାରୀ ହୋଇଛି। ଆମେରିକାର ସୋସାଇଟି ଅଫ୍ କ୍ଲିନିକାଲ୍ ଅଙ୍କୋଲୋଜି (ASCO) ର ସଭାପତି ଡକ୍ଟର ହାୱାର୍ଡ ବୁରିସ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ହାଇଡ୍ରୋକ୍ସି-କ୍ଲୋରୋକୁଇନ୍ ଏବଂ ଆଜିଥ୍ରୋମାଇସିନ୍ ସହିତ ମିଶ୍ରିତ ଚିକିତ୍ସା ମୃତ୍ୟୁ ହେବାର ଆଶଙ୍କାକୁ ବଢାଇ ଦେଉଛି। ଏହି ଔଷଧ ମିଶ୍ରଣ ପ୍ରଥମେ କୋଭିଡ୍-19 ରୋଗୀଙ୍କୁ ସାହାଯ୍ୟ କରିବ ବୋଲି ଚିନ୍ତା କରାଯାଉଥିଲା, କିନ୍ତୁ ସାମ୍ପ୍ରତିକ ତଥ୍ୟ ଏହି ନିୟମ ଉପରେ ସନ୍ଦେହ ସୃଷ୍ଟି କରିଛି।
ଏହି ସପ୍ତାହରେ ଏଏସସିଓର ଭର୍ଚୁଆଲ୍ ବୈଜ୍ଞାନିକଙ୍କ ଵୈଠକରେ ଉପସ୍ଥାପିତ ହେବାକୁ ଥିବା ପ୍ରାଥମିକ ଅନୁସନ୍ଧାନ ରିପୋର୍ଟ କହୁଛି,ଏହି ଦୁଇଟି ଔଷଧ ମିଶ୍ରଣ କର୍କଟ ରୋଗୀଙ୍କ ପାଇଁ ଏକ ବଡ଼ ବିପଦ ହୋଇପାରେ। ଭେଣ୍ଡରବିଲ୍ଟ ୟୁନିଭରସିଟି ମେଡିକାଲ ସିଷ୍ଟମର ଡକ୍ଟର ଜେରେମି ୱାର୍ନର ଗଣମାଧ୍ୟମକୁ କହିଛନ୍ତି ଯେ ଏହି ମିଶ୍ରଣକୁ ଗ୍ରହଣ କରିବା ଦ୍ବାରା ରୋଗୀର 30 ଦିନ ମଧ୍ୟରେ ମୃତ୍ୟୁ ହେବାର ଆଶଙ୍କା ଯଥେଷ୍ଟ ଅଧିକ। ମାର୍ଚ୍ଚ 21ତାରିଖରେ ଏକ ଟ୍ୱିଟ୍ ରେ ହାଇଡ୍ରୋକ୍ସି-କ୍ଲୋରୋକୁଇନ୍ କୁ ପ୍ରୋତ୍ସାହିତ କରୁଥିବା ଟ୍ରମ୍ପ ଏହି ମିଶ୍ରଣକୁ ସମ୍ଭାବ୍ୟ ଔଷଧ ଇତିହାସର ସବୁଠାରୁ ବଡ ପରିବର୍ତ୍ତନକାରୀ ଖେଳ ବୋଲି କହିଛନ୍ତି।
ସୂଚନାଯୋଗ୍ୟ, ମାର୍ଚ୍ଚରୁ ଏପ୍ରିଲ ମଧ୍ୟରେ କୋରୋନା ଭାଇରସରେ ସଂକ୍ରମିତ ହୋଇଥିବା 925 ରୋଗୀଙ୍କ ବିଷୟରେ ୱାର୍ଣ୍ଣର ଏବଂ ତାଙ୍କ ସହକର୍ମୀମାନେ ତଥ୍ୟ ବିଶ୍ଳେଷଣ କରିଥିଲେ। ରୋଗ ନିର୍ଣ୍ଣୟ ହେବାର 30 ଦିନ ମଧ୍ୟରେ ତେର ପ୍ରତିଶତ ରୋଗୀଙ୍କର ମୃତ୍ୟୁ ହୋଇଥିଲା।ପରୀକ୍ଷଣରେ, 180 ରୋଗୀ ଆଜିଥ୍ରୋମାଇସିନ୍ ସହିତ ହାଇଡ୍ରୋକ୍ସି-କ୍ଲୋରୋକୁଇନ୍ ଗ୍ରହଣ କରୁଥିଲେ ଏବଂ 90 ଜଣ କେବଳ ହାଇଡ୍ରୋକ୍ସି-କ୍ଲୋରୋକୁଇନ୍ ନେଉଥିଲେ।
ଯୁକ୍ତରାଷ୍ଟ୍ରର ଖାଦ୍ୟ ଏବଂ ଔଷଧ ପ୍ରଶାସନ ସ୍ୱାସ୍ଥ୍ୟ ସେବା ପ୍ରଦାନକାରୀଙ୍କୁ ଜରୁରୀକାଳୀନ ବ୍ୟବହାର ପ୍ରାଧିକରଣ ମାଧ୍ୟମରେ କୋଭିଡ୍-19 ପାଇଁ ଔଷଧ ଲେଖିବାକୁ ଅନୁମତି ଦେଇଛି, କିନ୍ତୁ ଚିକିତ୍ସାକୁ ଅନୁମୋଦନ କରିନାହିଁ।
ଫ୍ରାନ୍ସ, ଇଟାଲୀ ଏବଂ ବେଲଜିୟମ ସରକାର ବୁଧବାର ଦିନ ବିଶ୍ୱ ସ୍ୱାସ୍ଥ୍ୟ ସଂଗଠନର ନିଷ୍ପତ୍ତି ପରେ ସୁରକ୍ଷା ଦୃଷ୍ଟିରୁ ଏହି ଔଷଧର ଏକ ବଡ଼ ପରୀକ୍ଷାକୁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି। କୋଭିଡ୍-19 ରୋଗୀଙ୍କ ପାଇଁ ହାଇଡ୍ରୋକ୍ସି-କ୍ଲୋରୋକୁଇନ୍ ବ୍ୟବହାରକୁ ସମ୍ପୂର୍ଣ ବନ୍ଦ ରଖାଯାଇଛି।
