ହାଇଦ୍ରାବାଦ: ସ୍ତ୍ରୀ ବଦଳାଇ ଦେଲା ଭାଗ୍ୟ । ହାଇଦ୍ରାବାଦରୁ ବାହାରକୁ କାମ କରିବାକୁ ଯାଇ ହତାଶ ହୋଇ ଫେରିବା ପରେ ଜଣେ ଚାଷୀ କୋଟିପତି ହୋଇଛନ୍ତି । ଯାହା ଶୁଣିଲେ ଆପଣ ବି ଭାଗ୍ୟର ଖେଳକୁ ଖୋଦ ମାନିବେ । ହାଇଦ୍ରାବାଦର ରିଖାଲ ଭିଲା ନାମକ ଜଣେ ଚାଷୀ ଏବେ 4 ମିଲିୟନ ଡଲାରର ମାଲିକ ଅର୍ଥାତ 28କୋଟି ଟଙ୍କାର ପୁରସ୍କାର ଜିତିଛନ୍ତି ।
ରିଖାଲ ଭିଲା କାମ କରିବାକୁ ଦୁବାଇ ଯାଇଥିଲେ । ମାତ୍ର ସେଠାରେ 45 ଦିନ ରହିବା ପରେ ଘରକୁ ଫେରିବାକୁ ନିଷ୍ପତ୍ତି ନେଇଥିଲେ । ଆଉ ଘରେ ପହଞ୍ଚିବା ପରେ ବିଗ ଟିକେଟ ଲଟେରୀ ର ବିଜେତା ହୋଇଥିବା ଜାଣିବାକୁ ପାଇଥିଲେ । ସେ ଯେଉଁ 20ହଜାର ଟଙ୍କାର ଲଟେରୀ ଟିକେଟ କିଣିଥିଲେ, ତାଙ୍କ ପତ୍ନୀଙ୍କ ଠାରୁ ଟଙ୍କା ଧାର ନେଇ ସେହି ଟଙ୍କାରେ ସେ ଲଟେରୀ ଟିକେଟ କିଣିଥିଲେ ।
ଜଣେ ସାଧାରଣ ଚାଷୀ ହୋଇଥିଲେ ବି ଭିଲା 2ବର୍ଷ ଧରି ନିଜ ଭାଗ୍ୟ ପରୀକ୍ଷା କରିବାକୁ ଲଟେରୀ ଟିକେଟ କିଣି ଆସୁଥିଲେ । ଆଉ ଶେଷରେ ଏହି ଲଟେରୀ ଟିକେଟ ହିଁ ତାଙ୍କ ଭାଗ୍ୟ ବଦଳାଇ ତାଙ୍କୁ କୋଟିପତି କରିଛି । ଏହାର ସବୁ ଶ୍ରେୟ ସେ ନିଜ ପତ୍ନୀଙ୍କୁ ଦେଇଛନ୍ତି ।
