ନୂଆଦିଲ୍ଲୀ: ଦେଶର ପ୍ରତିଷ୍ଠିତ ଇଞ୍ଜିନିୟରିଂ ଓ ମେଡିକାଲ କଲେଜରେ ଆଡମିଶନ ଚାହୁଁଥିବା ଛାତ୍ରଛାତ୍ରୀଙ୍କୁ ଆଶ୍ବସ୍ତି । କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ (HRD) ରବିବାର JEE ଏବଂ NEET ପରୀକ୍ଷା ପାଇଁ ନୂତନ ତାରିଖ ଘୋଷଣା କରାଯିବ ବୋଲି କହିଛି। କୋଭିଡ -19 ମହାମାରୀର ପ୍ରସାରକୁ ରୋକିବା ପାଇଁ ଲାଗୁ ହୋଇଥିବା ଦେଶବ୍ୟାପୀ ଲକଡାଉନ୍ ଯୋଗୁଁ ଏହି ପରୀକ୍ଷା ସ୍ଥଗିତ ରଖାଯାଇଥିଲା।
ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲଙ୍କ ଦ୍ବାରା ଆସନ୍ତା 5 ତାରିଖ ଦିନ ନୂତନ ତାରିଖ ଘୋଷଣା କରାଯିବ। ଏହାଦ୍ବାରା ପ୍ରାର୍ଥୀଙ୍କ ଅନିଶ୍ଚିତତା ଦୂର ହେବ । ସେହି ଦିନ ମନ୍ତ୍ରୀ ଅନଲାଇନରେ ଛାତ୍ରମାନଙ୍କ ସହ ଯୋଗାଯୋଗ କରିବେ। ସୂଚନାଯୋଗ୍ୟ ଯେ, ଦେଶର ଇଞ୍ଜିନିୟରିଂ କଲେଜରେ ଆଡମିଶନ ପାଇଁ ମିଳିତ ପ୍ରବେଶିକା ପରୀକ୍ଷା-ମେନ୍ (JEE-Mains) ଅନୁଷ୍ଠିତ ହେଉଥିବାବେଳେ ସାରା ଦେଶରେ ଔଷଧ ଜାତୀୟ ଯୋଗ୍ୟତା-ପ୍ରବେଶିକା ପରୀକ୍ଷା (NEET) ଦ୍ବାରା ଆଡମିଶନ୍ ଦିଆଯିବ ।
NEET ପରୀକ୍ଷା ପାଇଁ ସାରା ଦେଶରେ 15 ଲକ୍ଷରୁ ଅଧିକ ଛାତ୍ର ପଞ୍ଜିକୃତ ହୋଇଛନ୍ତି। ଏହି ପରୀକ୍ଷା ହେଉଛି ଭାରତର ମେଡିକାଲ କଲେଜଗୁଡିକରେ ଆଡମିଶନ ପାଇବା ପାଇଁ ଏଣ୍ଟ୍ରନ୍ସ ପରୀକ୍ଷା । ଏଥି ସହ ନଅ ଲକ୍ଷରୁ ଅଧିକ ଛାତ୍ର ଜେଇଇ-ମେନ୍ସ ପରୀକ୍ଷା ପାଇଁ ଆବେଦନ କରିଛନ୍ତି, ଯାହା ମାଧ୍ୟମରେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ବ୍ୟତୀତ ଦେଶର ଅନ୍ୟ ସମସ୍ତ ଇଞ୍ଜିନିୟରିଂ କଲେଜରେ ଆଡମିଶନ କରାଯାଇଛି।
ପ୍ରକାଶଥାଉକି, କୋରୋନା ସଂକ୍ରମଣ ପ୍ରସାରକୁ ରୋକିବା ପାଇଁ ସରକାର କଲେଜ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି, ଯାହା ପରେ ମାର୍ଚ୍ଚ 16 ତାରିଖରୁ ସାରା ଦେଶରେ ବିଶ୍ବବିଦ୍ୟାଳୟ ଏବଂ ବିଦ୍ୟାଳୟ ବନ୍ଦ ରହିଛି। ଏଥି ସହିତ 25 ମାର୍ଚ୍ଚରେ ଦେଶବ୍ୟାପୀ ଲକଡାଉନ୍ ଘୋଷଣା କରାଯାଇଥିଲା । ତେବେ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଦଶମ ଏବଂ ଦ୍ବାଦଶ ଶ୍ରେଣୀ ପାଇଁ ଅବଶିଷ୍ଟ ପରୀକ୍ଷା କେବେ କରାଯିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
