ନୂଆଦିଲ୍ଲୀ: ଅକ୍ଟୋବର 17 ରୁ 30 ପର୍ଯ୍ୟନ୍ତ ହଂକଂ ଏୟାର ଇଣ୍ଡିଆ ଏବଂ ଏକ୍ସପାନସନ ବିମାନ ଉପରେ ପ୍ରତିବନ୍ଧକ ଲଗାଇଛି। ଏହି ବିମାନରୁ କିଛି ଯାତ୍ରୀ କୋରୋନା ସଂକ୍ରମିତ ହେବା ପରେ ଏହି ପଦକ୍ଷେପ ନିଆଯାଇଛି। ଏନେଇ ହଂକଂର ବରିଷ୍ଠ ସରକାରୀ କର୍ମଚାରୀ ସୂଚନା ଦେଇଛନ୍ତି ।
ତେବେ ହଂକଂ ସରକାର ତୃତୀୟ ଥର ପାଇଁ ଏୟାର ଇଣ୍ଡିଆ ବିମାନ ଉପରେ ପ୍ରତିବନ୍ଧକ ଲଗାଇଛନ୍ତି। ଏହାପୂର୍ବରୁ ଏହି ନିଷେଧାଦେଶ ଗତ ସେପ୍ଟେମ୍ବରରୁ 20ରୁ ଅକ୍ଟୋବର 3 ଏବଂ ଅଗଷ୍ଟ 18ରୁ ଅଗଷ୍ଟ 31 ପର୍ଯ୍ୟନ୍ତ ଲାଗୁ କରାଯାଇଥିଲା।
ତେବେ ଭାରତୀୟ ଯାତ୍ରୀମାନେ କୋରୋନାରେ ସୁସ୍ଥ ହେବାପରେ ସେମାନଙ୍କୁ ହଂକଂରେ ପ୍ରବେଶ କରିବାକୁ ଅନୁମତି ଦିଆଯାଇଛି । ତେବେ ଗତ ଜୁଲାଇ ମାସରେ ହଂକଂ ସରକାର ଏହି ନିୟମ ଲାଗୁ କରିଥିଲେ।
ତେବେ ଗତ ଜୁଲାଇରେ ଜାରି କରାଯାଇଥିବା ଏକ ନିର୍ଦ୍ଦେଶରେ ହଂକଂ ସରକାର କହିଥିଲେ, 72 ଘଣ୍ଟା ପୂର୍ବରୁ କରାଯାଇଥିବା କୋରୋନା ନେଗେଟିଭ ରିପୋର୍ଟ ଦେଖାଇଲେ ହିଁ ଭାରତରୁ ଯାତ୍ରୀମାନେ ଏଠାକୁ ଆସିପାରିବେ ।
ତେବେ ଗତ ଗୁରୁବାର ଏୟାର ଇଣ୍ଡିଆର ଦିଲ୍ଲୀ-ହଂକଂ ବିମାନ ଏବଂ ଭିସ୍ତାରାର ଚେନ୍ନାଇ-ହଂକଂ ବିମାନରୁ କିଛି ଯାତ୍ରୀ କୋରୋନା ସଂକ୍ରମିତ ହୋଇଥିବା ଜଣାପଡିଥିଲା । ଏହି କାରଣରୁ ହଂକଂ ସରକାର ଅକ୍ଟୋବର 17 ରୁ 30 ଯାଏଁ ଏହି ଦୁଇଟି ବିମାନ ଚଳାଚଳ ଉପରେ ପ୍ରତିବନ୍ଧକ ଲଗାଇଛନ୍ତି।
