ଭୋପାଳ: ଗୁନା ଘଟଣାକୁ ନେଇ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଇସ୍ତଫା ଦିଅନ୍ତୁ ବୋଲି କଂଗ୍ରେସ ନେତା ଦିପକ ସିଂ କହିଛନ୍ତି ।
ଏକ ଗଣମାଧ୍ୟମକୁ ସିଂ କହିଛନ୍ତି, ଯେତେବେଳେ ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ଛାଡିଥିଲେ ସେତେବେଳେ ସେ କହିଥିଲେ କୌଣସି ଜିଲ୍ଲାପାଳ ଏବଂ ଏସପି ତାଙ୍କ କଥା ଶୁଣିନାହାନ୍ତି । ମୋ ମତରେ ବର୍ତ୍ତମାନ ସିନ୍ଧିଆ ଜୀ କଥା ସମସ୍ତେ ଶୁଣୁଛନ୍ତି ଏବଂ ବିଜେପିର ଅସଲ ଚେହେରା ଗୁନା ଘଟଣାରେ ସାମ୍ନାକୁ ଆସିଛି ।
ଗୁନା ଘଟଣାରେ କିଛି ନିର୍ଦ୍ଧିଷ୍ଟ ଜାତିକୁ ଦଣ୍ଡ ଦିଆଯାଇଥିଲା ଯେକୌଣସି ଅଧିକାରୀଙ୍କୁ ଦଣ୍ଡ ଦିଆଯିବା ଯଥେଷ୍ଟ ନୁହେଁ । ଏହି ଘଟଣାରେ ବିଜେପି ସରକାର ଏବଂ ଶିବରାଜ ସିଂ ଚୌହାନ ଇସ୍ତଫା ଦେବା ସହ କ୍ଷମା ମାଗିବା ଉଚିତ୍ ।
ପ୍ରକାଶ ଥାଉକି, ମଧ୍ୟପ୍ରଦେଶର ଗୁନାରେ ପ୍ରଶାସନ ଚାଷୀଙ୍କ ଫସଲ ଉପରେ ଜେସିବି ମଡେଇ ଦେବାକୁ ଉଦ୍ୟମ କରୁଥିବା ବେଳେ ଚାଷୀ ପରିବାର ଏହାକୁ ପ୍ରତିବାଦ କରିଥିଲେ । ମାତ୍ର ପୋଲିସ ସେମାନଙ୍କ ଉପରେ ଲାଠି ଚାର୍ଜ କରିଥିଲା ।
ଫସଲ ନଷ୍ଟ ଓ ଋଣ ପରିଶୋଧର ଜଟିଳ ସ୍ଥିତିରେ ଭାଙ୍ଗିପଡି ଚାଷୀ ଦମ୍ପତି କୀଟନାଶକ ପିଇଥିଲେ। ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥିଲା । ଏହି ଘଟଣାକୁ ନେଇ ଜିଲ୍ଲାପାଳ, ଏସପି, ଗୁନା ରେଞ୍ଜର ଆଇଜିଙ୍କୁ ନିଲମ୍ବିତ କରାଯାଇଛି ।
