ନୂଆଦିଲ୍ଲୀ: ବଲିଉଡର 'ଗଦର' ହିରୋ, ବିଜେପିରେ ସାମିଲ ପରେ ଏବେ ଗଦର, ଏକ ପ୍ରେମ କଥାର ଫେମସ୍ ଡାଇଲଗକୁ ଟ୍ବିଟ କରିଛନ୍ତି ପ୍ରଧାନମନ୍ତ୍ରୀ ମୋଦି । ପିଏମ୍ ଟ୍ବିଟରେ ଲେଖିଛନ୍ତି ଯେ ‘ଆମେ ଦୁଇ ଜଣ ଏଥିରେ ଏକମତ ଯେ, ହିନ୍ଦୁସ୍ତାନ ଜିନ୍ଦାବାଦ ଥା, ହୈ ଔର ରହେଗା ।’
ରବିବାର ସନୀଙ୍କୁ ଭେଟିବା ଅବସରରେ ମୋଦି ସନୀ ଦେଓଲଙ୍କୁ ଉଚ୍ଚ ପ୍ରଶଂସା କରିଛନ୍ତି । ସନୀ ଦେଓଲଙ୍କ ନମ୍ରତା ଓ ସମୃଦ୍ଧ ଭାରତ ନିର୍ମାଣ ପାଇଁ ଦୃଢ ଇଚ୍ଛା ପ୍ରଭାବିତ କରିଥିବା ଲେଖିଛନ୍ତି ମୋଦି । ସୂଚନା ଯୋଗ୍ୟ ଯେ ବଲିଉଡ ତାରକା ସନୀ ଦେଓଲ ବିଜେପିରେ ମିଶିବା ପରେ ତାଙ୍କୁ ପଞ୍ଜାବ ଗୁରୁଦାସପୁରରୁ ଟିକେଟ ଦେଇଛି ବିଜେପି । ଆସନ୍ତାକାଲି ଚତୁର୍ଥ ପର୍ଯ୍ୟାୟ ନିର୍ବାଚନ ସହ ସନୀ ଦେଓଲ ଏକ ବିରାଟ ଶୋଭାଯାତ୍ରାରେ ଯାଇ ନାମାଙ୍କନ ଦାଖଲ କରିବେ ।
