ଉତ୍ତରାଖଣ୍ଡ: ହିମାଚଳ ପ୍ରଦେଶରେ ଲାଗିରହିଛି ପ୍ରବଳରୁ ଅତି ପ୍ରବଳ ବର୍ଷା । ଶୁକ୍ରବାର ରାତିରେ ପ୍ରବଳ ବର୍ଷା ହେତୁ ଚାମ୍ବା ଜିଲ୍ଲାରେ ଭୂସ୍ଖଳନ ହୋଇଛି । ଫଳରେ ବହୁ ସଂଖ୍ୟକ ରାସ୍ତା ବନ୍ଦ ହୋଇଯାଇଥିଲା । ଫଳରେ ସ୍ଥାନୀୟ ଲୋକେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି ।
ଭୂସ୍ଖଳନ ଯୋଗୁଁ ଅନେକ ଯାତ୍ରୀ ଓ ଯାନବାହାନ ବିଭିନ୍ନ ସ୍ଥାନରେ ଅଟକି ରହିଥିଲା ବୋଲି ଚୁରାହ ଅଞ୍ଚଳର ଏସଡିଏମ ହେମ ଚାନ୍ଦ ଭର୍ମା କହିଛନ୍ତି। ସେ ଆହୁରି କହିଛନ୍ତି, ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ କିଛି ଲୋକ ବାଇକକୁ କାନ୍ଧରେ ଉଠାଇ ରାସ୍ତା ପାର ହେଉଛନ୍ତି ।
ଲୋକେ ଯେପରି କୌମସି ଅସୁବିଧାର ସମ୍ମୁଖୀନ ନହୁଅନ୍ତି ସେଥିଲାଗି ଅନ୍ୟ ଏକ ରାସ୍ତା ଖୋଲାଯିବାକୁ ପୂର୍ତ୍ତବିଭାଗକୁ ନିର୍ଦ୍ଦେଶ ଦିଆଯାଇଛି । ସେପଟେ କିନ୍ତୁ ପିଡବ୍ଲୁଡି ଅନ୍ୟ ରୁଟ ଖୋଲିବା ପାଇଁ ଏପର୍ଯ୍ୟନ୍ତ ମେସିନ ପଠାଇ ନାହିଁ । ଜନସାଧାରଣଙ୍କ ସମସ୍ୟାର ସମାଧାନ ପାଇଁ ବିଭାଗ ପକ୍ଷରୁ କୌଣସି ଆବଶ୍ୟକୀୟ ପଦକ୍ଷେପ ନିଆଯାଇ ନାହିଁ ବୋଲି ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
