ହାଇଦ୍ରାବାଦ: ଦକ୍ଷିଣ-ପଶ୍ଚିମ ମୌସୁମୀ ତୀବ୍ର ହେବା କାରଣରୁ ତେଲେଙ୍ଗାନାରେ ପ୍ରବଳ ବର୍ଷା ଲାଗି ରହିଛି । ଫଳରେ ଚାରିଆଡ ଜଳମଗ୍ନ। ଯୁଆଡେ ଦେଖିବ ସିଆଡେ ପାଣି । ହାଇଦ୍ରାବାଦର ବିଭିନ୍ନ ସ୍ଥାନରେ ଗତକାଲି(ବୁଧବାର) ଠାରୁ ଭାରୀ ମାତ୍ରାରେ ବର୍ଷା ହେଉଛି । ଆସନ୍ତାକାଲି ଠାରୁ 5 ଦିନ ପର୍ଯ୍ୟନ୍ତ ତେଲେଙ୍ଗାନାର ବିଭିନ୍ନ ସ୍ଥାନରେ ଘଡଘଡି ସାଙ୍ଗକୁ ବର୍ଷା ଲାଗି ରହିବ ବୋଲି ହାଇଦ୍ରାବାଦ ପାଣିପାଗ ବିଭାଗ ପକ୍ଷରୁ ଜଣାପଡିଛି।
ଆଗରୁ ଯେବେ ବି ବର୍ଷା ହୁଏ, ଓସମାନିଆ ମେଡିକାଲରେ ପାଣି ପଶିଥାଏ। ତେଣୁ ଏ ବର୍ଷା ପାଣି ମଧ୍ୟ ଓସମାନିଆ ମେଡିକାଲରେ ପଶିଥିଲା। ଫଳରେ ରୋଗୀ ସେବା ବ୍ୟାହତ ହୋଇଥିଲା। ଚଳିତ ମାସ 15 ତାରିଖରେ ପ୍ରଥମ ବର୍ଷା ଜଳ ଏହି ମେଡିକାଲରେ ପଶିଥିଲା।
ଓସମାନିଆ ମେଡିକାଲ ତେଲେଙ୍ଗାନାର ସବୁଠୁ ବଡ ଓ ପୁରାତନ ମେଡିକାଲ। ବର୍ତ୍ତମାନର ପରିସ୍ଥିତିକୁ ଦେଖିଲେ ଓସମାନିଆରେ ବନ୍ୟା ହେବା ଭଳି ଲାଗୁଛି। ବର୍ଷା ପାଣିକୁ ମେଡିକାଲରୁ ବାହାର କରିବା ପାଇଁ କର୍ମଚାରୀମାନେ ବହୁ ପରିଶ୍ରମ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
