ନୂଆଦିଲ୍ଲୀ: କୋରୋନା ଭାଇରସ ବିରୋଧରେ ଲଢେଇ କରିବାକୁ ଆଗେଇ ଆସିଥିବା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ ଖୁବ ଶୀଘ୍ର ବିଶ୍ବସ୍ତରରେ ଭାରତର ପ୍ରତିନିଧିତ୍ବ କରିବାକୁ ଯାଉଛନ୍ତି । ସେ ମେ 22 ତାରିଖରୁ ବିଶ୍ବ ସ୍ବାସ୍ଥ୍ୟ ସଂଗଠନର କାର୍ଯ୍ୟନିର୍ବାହୀ ବୋର୍ଡର ଚେୟାରମ୍ୟାନ୍ ଭାବରେ ଦାୟିତ୍ ଗ୍ରହଣ କରିବେ ।
ଜାପାନ ଡାକ୍ତର ହିରୋକି ନାକାଟାନୀଙ୍କ ସ୍ଥାନରେ ଡକ୍ଟର ହର୍ଷ ବର୍ଦ୍ଧନ 34 ସଦସ୍ୟ ବିଶିଷ୍ଟ ବୋର୍ଡର ଚେୟାରମ୍ୟାନ୍ ଅଛନ୍ତି । ମଙ୍ଗଳବାର ବିଶ୍ବ ସ୍ବାସ୍ଥ୍ୟ ସଭାର 194 ଟି ଦେଶ ଏହି ବିଶ୍ବସ୍ତରୀୟ ପ୍ଲାଟଫର୍ମରେ ଭାରତର ପ୍ରତିନିଧିତ୍ବ କରିବାକୁ ଏକ ପ୍ରସ୍ତାବ ସ୍ବାକ୍ଷର କରିଛି ।
ଗତ ବର୍ଷ ଦକ୍ଷିଣ ପୂର୍ବ ଏସିଆ ଗ୍ରୁପ୍ ନିଷ୍ପତ୍ତି ନେଇଥିଲା ଯେ ଏଥର ବୋର୍ଡ ଚେୟାରମ୍ୟାନଙ୍କୁ ଭାରତ ପକ୍ଷରୁ ଚୟନ କରାଯିବ । ଅଧିକାରୀଙ୍କ କହିବାନୁସାରେ, ହର୍ଷ ବର୍ଦ୍ଧନ ଆସନ୍ତା 22 ରେ ଏହି ପଦ ଗ୍ରହଣ କରିବେ । ଏହି ପଦବୀ ପ୍ରତିବର୍ଷ ବଦଳିଥାଏ ଏବଂ ଗତ ବର୍ଷ ନିଷ୍ପତ୍ତି ନିଆଯାଇଥିଲା ଯେ ଭାରତ ପ୍ରଥମ ବର୍ଷରେ ଏହି ବୋର୍ଡର ପ୍ରତିନିଧିତ୍ବ କରିବ । ସୂଚନା ଅନୁଯାୟୀ, ଏହା ଏକ ପୂର୍ଣ୍ଣକାଳୀନ ଦାୟିତ୍ବ ନୁହେଁ ଏବଂ ସ୍ବାସ୍ଥ୍ୟମନ୍ତ୍ରୀଙ୍କୁ କେବଳ ବୈଠକରେ ଯୋଗଦେବାକୁ ପଡିବ ।
