ବେଙ୍ଗାଲୁରୁ: ଗାଁରେ ରହଣି କାର୍ଯ୍ୟକ୍ରମରେ ଯୋଗ ଦେଇ ନିକଟସ୍ଥ ଏକ ପ୍ରାଥମିକ ବିଦ୍ୟାଳୟରେ ରାତି ବିତାଇଛନ୍ତି ଏଚଡି କୁମାରସ୍ବାମୀ । ଗତ କିଛି ଦିନ ହେବେ ମୁଖ୍ୟମନ୍ତ୍ରୀ କୁମାର ସ୍ବାମୀ ରାଜ୍ୟର ବିଭିନ୍ନ ଗାଁ ଗସ୍ତ କରୁଛନ୍ତି ।
ସେ ବୁଧବାର କର୍ଣ୍ଣାଟକ କାରେଗୁଡାରେ ଏକ ପ୍ରଶାସନିକ କାର୍ଯ୍ୟକ୍ରମରେ ଯୋଗଦେବା ପାଇଁ ଯାଇଥିଲେ । କାର୍ଯ୍ୟକ୍ରମ ପରେ ସେ ସେଠାରେ ଥିବା ପ୍ରାଥମିକ ବିଦ୍ୟାଳୟରେ ପହଞ୍ଚିଥିଲେ । ସେଠାରେ ରାତ୍ରିଭୋଜନ ସହ ତଳେ ମଧ୍ୟ ଶୋଇଥିଲେ କୁମାରସ୍ବାମୀ ।
ତାଙ୍କର ଶୋଇବା ପାଇଁ କୌଣସି ସ୍ବତନ୍ତ୍ର ବ୍ୟବସ୍ଥା କରାଯାଇ ନଥିଲା । ସେପଟେ ପ୍ରାଥମିକ ସ୍କୁଲରେ ମୁଖ୍ୟମନ୍ତ୍ରୀଙ୍କ ରହଣି ଯୋଗୁଁ କାରେଗୁଡା ବ୍ୟତୀତ ନିକଟସ୍ଥ ଗ୍ରାମବାସୀ ସ୍କୁଲରେ ପହଞ୍ଚି ମୁଖ୍ୟମନ୍ତ୍ରୀଙ୍କ ସହ ଦୁଃଖସୁଖ ବାଣ୍ଟିଥିଲେ ।
