ଚଣ୍ଡିଗଡ: ପାକିସ୍ତାନ ଲାହୋରର ଜଣେ ମୌଲବୀ ଗୁରୁଦ୍ବାରର ଜମି ଦଖଲ କରିଛନ୍ତି। ସେ ଶିଖମାନଙ୍କୁ ଧମକ ଦେଉଥିବା ଏକ ଭିଡିଓ ଜାରି କରିଛନ୍ତି । ପାକିସ୍ତାନ ଏକ ଇସଲାମ ଦେଶ ଓ ଏଠାରେ କେବଳ ମୁସଲମାନମାନେ ରହିପାରିବେ ବୋଲି ଭିଡିଓ ଜାରି କରିଛନ୍ତି । ଏହି ପରିପ୍ରେକ୍ଷୀରେ ସୋମବାର ପାକିସ୍ତାନୀ ହାଇ କମିଶନଙ୍କୁ ଭାରତ ତୀବ୍ର ବିରୋଧ କରିଛି । ଏଥି ସହ ହରିୟାଣା ଗୃହମନ୍ତ୍ରୀ ଅନିଲ ଭିଜ୍ ମଧ୍ୟ ଏହି ପ୍ରସଙ୍ଗରେ ଦୃଢ ପ୍ରତିକ୍ରିୟା ପ୍ରକାଶ କରିଛନ୍ତି ।
ଗୃହମନ୍ତ୍ରୀ ଅନିଲ ଭିଜ୍ କହିଛନ୍ତି ଯେ ପାକିସ୍ତାନ ଏକ ଦୁଷ୍ଟ ଦେଶ ।ପାକିସ୍ତାନରେ ସଂଖ୍ୟାଲଘୁ ସମ୍ପ୍ରଦାୟ ସୁରକ୍ଷିତ ନୁହଁନ୍ତି। ଆରମ୍ଭରୁ ପାକିସ୍ତାନରେ ସଂଖ୍ୟାଲଘୁମାନଙ୍କର ଅଧିକାରକୁ ଅଣଦେଖା କରାଯାଇଛି। ପାକିସ୍ତାନ ମାନବିକ ମୂଲ୍ୟବୋଧକୁ ମଧ୍ୟ ସମ୍ମାନ କରେ ନାହିଁ। ସେ ଏହା ମଧ୍ୟ କହିଛନ୍ତି ଯେ ଆମ ସରକାର ଏହି ମାମଲାକୁ ତୀବ୍ର ବିରୋଧ କରିଛନ୍ତି। ଆଶା କରାଯାଉଛି ଯେ ଭାରତର ବିରୋଧ ପରେ ପାକିସ୍ତାନ ନିଜର ବ୍ୟବହାରରେ ପରିବର୍ତ୍ତନ ଆଣିବ । ଏହା ପରେ ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିବୃତ୍ତିକୁ ନେଇ ଆକ୍ରମଣ କରିଥିଲେ । ରାହୁଲ ଗାନ୍ଧୀ କହିଛନ୍ତି ଯେ ଚୀନର ଅନୁପ୍ରବେଶ ବିଷୟରେ ମିଛ କହୁଥିବା ଲୋକେ କେବେବି ଦେଶଭକ୍ତ ହୋଇପାରିବେ ନାହିଁ।
ଏହାକୁ ନେଇ ଅନିଲ ଭିଜ୍ କହିଛନ୍ତି, ଯଦି ରାହୁଲଙ୍କ କଥାକୁ ସତ ବୋଲି ଧରାଯାଏ ତେବେ ରାହୁଲ ମଧ୍ୟ ଚୀନକୁ ନେଇ ସତ କହୁନାହାଁନ୍ତି ତେଣୁ ତାଙ୍କ ବିବୃତ୍ତି ଅନୁସାରେ ସେ ଦେଶଭକ୍ତ ନୁହଁନ୍ତି । ଅନ୍ୟପକ୍ଷେ ପେଟ୍ରୋଲ ଓ ଡିଜେଲର ମୂଲ୍ୟ ବୃଦ୍ଧି ନେଇ କଂଗ୍ରେସର ଜାତୀୟ ମୁଖପାତ୍ର ରଣଦୀପ ସୁରଜେୱାଲା ହରିୟାଣା ସରକାରଙ୍କୁ ଟାର୍ଗେଟ କରିଛନ୍ତି। ଏହାକୁ ନେଇ ଅନିଲ ବୈଜଲ କହିଛନ୍ତି ଯେ ପେଟ୍ରୋଲ-ଡିଜେଲ ହାର ସରକାର ସ୍ଥିର କରନ୍ତି ନାହିଁ। ସେ କହିଛନ୍ତି ଯେ ଯଦି ତୈଳ ମୂଲ୍ୟ ବୃଦ୍ଧିରେ ସୁରଜେୱାଲାଙ୍କର ସମାନ ସମସ୍ୟା ଥାଏ, ତା’ହେଲେ ସେ ତାଙ୍କ କଂଗ୍ରେସ ଶାସିତ ରାଜ୍ୟରେ ହାର ହ୍ରାସ କରିବା ଉଚିତ ଓ ସେଠାରେ ଆଦାୟ କରାଯାଉଥିବା ଟିକସକୁ ହ୍ରାସ କରି ଶସ୍ତା ତେଲ ଲୋକଙ୍କ ନିକଟରେ ଉପଲବ୍ଧ କରାଇବା ଉଚିତ।
