ଲକ୍ଷ୍ନୌ: ଉତ୍ତରପ୍ରଦେଶର ମୋରାଦାବାଦରେ ଏକ ଭୋଜି କାର୍ଯ୍ୟକ୍ରମରେ ସାମାଜିକ ଦୂରତା ନିୟମକୁ ଭଙ୍ଗ କରାଯାଇଛି। ପରସ୍ପରର ନିକଟତର ହୋଇ ଛିଡା ହେବା ସହ କାହା ମୁହଁରେ ମାସ୍କ ନଥିବା ଦେଖିବାକୁ ମିଳିଛି । କୋରୋନା ସମୟରେ ଏଭଳି ଘଟଣା ଦେଶର ଚିନ୍ତା ବଢାଇଛି।
ପ୍ରକାଶଥାଉକି, ସପା ବିଧାୟକ ହାଜି ଇକ୍ରାମ କୁରେଶି ଉତ୍ତରପ୍ରଦେଶର ମୋରଦାବାଦରେ ରମଜାନ ବିଦାୟ ଅବସରରେ ଖାଦ୍ୟ ବଣ୍ଟନ କାର୍ଯ୍ୟକ୍ରମର ଆୟୋଜନ କରିଥିଲେ। ଏହି ସମୟ ମଧ୍ୟରେ ଏକ ବିରାଟ ଜନସମାଗମ ହୋଇଥିଲା। ସାମାଜିକ ଦୂରତାର ନିୟମ ଭାଙ୍ଗିବା ଆରମ୍ଭ ହେଲା ମାତ୍ର ପ୍ରଶାସନ ଓ ପୋଲିସ ଚୁପ୍ ରହିଥିଲେ । ଯେତେବେଳେ ସାମ୍ବାଦିକମାନେ ଏହାକୁ ନେଇ ବିଧାୟକଙ୍କୁ ଏକ ପ୍ରଶ୍ନ କରିଥିଲେ, ସେତେବେଳେ ବିଧାୟକ ରାଗି ଯାଇଥିଲେ।
ଉତ୍ତରପ୍ରଦେଶ ସ୍ବାସ୍ଥ୍ୟ ବିଭାଗର ସୂଚନାନୁସାରେ, ରାଜ୍ୟରେ ମୋଟ 5735 ଟି କୋରୋନା ସଂକ୍ରମଣ ମାମଲା ରହିଛି । ସେଥିମଧ୍ୟରୁ 2259 ଟି ସକ୍ରିୟ ସଂକ୍ରମଣ ମାମଲା ଓ 3324 ରୋଗୀ ସୁସ୍ଥ ଅଛନ୍ତି । ରାଜ୍ୟରେ ଏହି ସଂକ୍ରମଣ ହେତୁ ପ୍ରାଣ ହରାଇଥିବା ଲୋକଙ୍କ ସଂଖ୍ୟା 152 କୁ ବୃଦ୍ଧି ପାଇଛି।
