ଦିସପୁର: ଗୌହାଟୀର ଲୋକପ୍ରିୟ ଗୋପିନାଥ ବୋର୍ଦୋଲୋଇ ଅନ୍ତର୍ଜାତୀୟ ବିମାନ ବନ୍ଦର ନିକଟରୁ 11 ନକଲି ସେନା ଅଧିକାରୀ ଗିରଫ । ମଙ୍ଗଳବାର ଦିନ ଗୌହାଟୀ ପୋଲିସ ସେମାନଙ୍କୁ ଗିରଫ କରିଛି । ଅଭିଯୁକ୍ତମାନଙ୍କ ନିକଟରୁ ଗୋଟିଏ ଚାରି ଚକିଆ ଯାନ ଏବଂ 4 ଟି ମୋଟର ସାଇକେଲ ଜବତ କରାଯାଇଛି ।
ଗୌହାଟୀ ଯୁଗ୍ମ କମିଶନରଙ୍କ କହିବାନୁଯାୟୀ, ଗତ ମାସେ ହେଲା ଅଭିଯୁକ୍ତମାନେ ସେନା ଅଧିକାରୀଙ୍କ ନକଲି ପରିଚୟ ପତ୍ର ସହ ସେନା ପୋଷାକ ପିନ୍ଧି ବିମାନ ବନ୍ଦର ନିକଟରେ ଘେରି ରହିଥିଲେ । ଏ ସମ୍ପର୍କରେ ପୋଲିସ ଖବର ପାଇ ଯାଞ୍ଚ କରିଥିଲା । ମଙ୍ଗଳବାର ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ଠାରୁ ସେନା ପୋଷାକ ଏବଂ ନକଲି ପରିଚୟ ପତ୍ର ସମେତ ଚାରିଟି ବାଇକ ଓ ଗୋଟିଏ କାର ଜବତ କରିଛି । ତେବେ ଅଭିଯୁକ୍ତମାନେ ଗୌହାଟୀରେ ନାନା ଅପରାଧିକ କାର୍ଯ୍ୟକଳାପ ସହ ଜଡିତ ଥିବା ଜଣାପଡିଛି । ଘଟଣାରେ ପୋଲିସ ଅଧିକ ଖୋଳତାଡ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
