ନୂଆଦିଲ୍ଲୀ: ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ବିଶ୍ବର ସବୁଠୁ ଶକ୍ତିଶାଳୀ ରାଷ୍ଟ୍ର କୁହାଯାଉଥିବା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ ଆସନ୍ତା 24 ଓ 25ରେ ଭାରତ ଗସ୍ତରେ ଆସିବେ । ତାଙ୍କ ସ୍ବାଗତକୁ ନେଇ ଭାରତରେ ଜୋରସୋରରେ ପ୍ରସ୍ତୁତି ଚାଲିଛି । ଟ୍ରମ୍ପ ପ୍ରଥମେ ଗୁଜୁରାଟର ଅହମ୍ମଦାବାଦ ଗସ୍ତ କରି ସେଠାରେ ଏକ ରୋଡ ସୋ କରିବେ।
ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଏକ କ୍ରିକେଟ ଷ୍ଟାଡିୟମର ମଧ୍ୟ ଉଦଘାଟନ କରିବାର କାର୍ଯ୍ୟକ୍ରମ ରହିଛି । ଏହାପରେ ସେ ଦିଲ୍ଲୀ ଆସି ସେଠାରେ ବିଭିନ୍ନ ଦ୍ବିପାକ୍ଷିକ ପ୍ରସଙ୍ଗ ଉପରେ ଆଲୋଚନା କରିବେ । ରାଷ୍ଟ୍ରପତିଙ୍କ ଦୁଇ ଦିବସୀୟ ଗସ୍ତକୁ ଦେଖି ସୁରକ୍ଷା ବ୍ୟବସ୍ଥାକୁ କଡାକଡି ଯାଞ୍ଚ କରାଯାଇଛି । ଆପଣଙ୍କୁ କହିରଖୁଛୁ ଯେ, ଟ୍ରଙ୍କ ବିଦେଶ ଗସ୍ତ ପୂର୍ବରୁ ଆମେରିକା ସିକ୍ରେଟ ସର୍ଭିସ ପୂରା ଆୟୋଜନ କରିଥାନ୍ତି । ତାଙ୍କ ଏଜେଣ୍ଟଙ୍କ ଦ୍ବାରା ରାଷ୍ଟ୍ରପତିଙ୍କ ସୁରକ୍ଷା ପାଇଁ ପ୍ରତି ମୂହର୍ତ୍ତରେ ପ୍ରସ୍ତୁତଥାନ୍ତି । ଆସନ୍ତୁ ଜାଣିବା ଅହମ୍ମଦାବାଦ ଗସ୍ତରେ କିପରି ରହିବ ଟ୍ରମ୍ପଙ୍କ ସୁରକ୍ଷା ବ୍ୟବସ୍ଥା...
- 25 IPS ଅଫିସରଙ୍କ ନେତୃତ୍ବରେ ଗଠିତ ଟିମ
ପ୍ରଧାନମନ୍ତ୍ରୀ ମୋଦି ଓ ଟ୍ରମ୍ପ 22 କିମି ଲମ୍ବା ରୋଡ ଶୋ କରିବେ । ଯାହା ଅହମ୍ମଦାବାଦ ବିମାନବନ୍ଦରରୁ ଆରମ୍ଭ ହୋଇ ସାବରମତି ଆଶ୍ରମ ଏବଂ ଇନ୍ଦିରା ବ୍ରିଜ ହୋଇ ମୋଟିରା ଷ୍ଟାଡିୟମରେ ସରିବ । ଏହାଦ୍ବାରା ତାଙ୍କ ସୁରକ୍ଷାରେ 25 IPS ଅଫିସରଙ୍କ ନେତୃତ୍ବରେ ଟିମ ପ୍ରସ୍ତୁତ ରହିବ ।
-NSGର ଟିମ ପ୍ରସ୍ତୁତ
ପୋଲିସ ଉପାଯୁକ୍ତ ବିଜୟ ପଟେଲ କହିଛନ୍ତି ଯେ, ଏହା ଜରିଆରେ ଏନଏସଜିର ଆଣ୍ଟି ସ୍ନାଇପର ଟିମ ମଧ୍ୟ ମୁତୟନ ରହିବେ । ବରିଷ୍ଠ ଅଧିକାରୀ ଜଣକ ଆହୁରି ମଧ୍ୟ କହିଛନ୍ତି ଯେ, ତଦନ୍ତ ଓ ବୋମା ନିରୋଧକ କାର୍ଯ୍ୟ ପାଇଁ ଏମନାନେ ନିୟୋଜିତ ଥାନ୍ତି ।
-10,000 ପୋଲିସକର୍ମୀଙ୍କ ଦ୍ବାରା ସୁରକ୍ଷା ଘେରା
65 ସହାୟକ ଆୟୁକ୍ତ , 200 ନିରିକ୍ଷଣ ଏବଂ 800 ଉପନିରିକ୍ଷକ ସମେତ ପାଖାପାଖି 10 ହଜାରରୁ ଉର୍ଦ୍ଧ୍ବ ପୋଲିସକର୍ମୀ ସହରର ଭିନ୍ନଭିନ୍ନ ସ୍ଥାନରେ ମୁତୟନ ରହିବେ ।
-ଆମେରିକା ସିକ୍ରିଟ ସର୍ଭିସର ରହିବ ନଜର
ରାଜ୍ୟ ପୋଲିସ ଏବଂ ଏନଏସଜି ବ୍ୟତୀତ ସୁରକ୍ଷା ଦାୟୀତ୍ବରେ ଆମେରିକା ଗୁଇନ୍ଦା ବିଭାଗ ଏବଂ ବିଶେଷ ସୁରକ୍ଷା ସମୂହର ଅଧିକାରୀ ମଧ୍ୟ ଟ୍ରମ୍ପଙ୍କ ସୁରକ୍ଷାରେ ରହିବେ ।
-ହୋଟେଲରେ ରହୁଥିବା ଅତିଥିଙ୍କ ଯାଞ୍ଚ
କୌଣସି ପ୍ରକାର ଅପ୍ରିତିକର ପରିସ୍ଥିତି ଏଡାଇବା ପାଇଁ ଅହମ୍ମଦାବାଦ ସହରରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି । ହୋଟେଲରେ ରହୁଥିବା ଯାତ୍ରୀଙ୍କ ବିଷୟରେ ଜାଣିବାକୁ ଏକ ସ୍ବତନ୍ତ୍ର ୱେବସାଇଟର ବ୍ୟବହାର କରାଯାଏ ।
-ସ୍ଥଳଭାଗରୁ ନେଇ ଆକାଶ ମାର୍ଗ ଯାଏଁ ନଜର
ଟ୍ରମ୍ପଙ୍କ ସୁରକ୍ଷାରେ ମଧ୍ୟ 7ଟି ବିମାନକୁ ମଧ୍ୟ ମୁତୟନ କରାଯାଇଛି । ସେଥିମଧ୍ୟରୁ ଗୋଟିଏ ଟ୍ରମ୍ପଙ୍କ ଅଧିକାରୀକ ଜେଟ ଏୟାରଫୋର୍ସ ରହିବ । ଅହମ୍ମଦାବାଦ ଗସ୍ତରେ 7ସ୍ତରୀୟ ସୁରକ୍ଷା ଘେରା ରହିବ । ଟ୍ରମ୍ପ ଯେଉଁ କାରରେ ରହିବେ, ସେହି କାର ଉପରେ ପରମାଣୁ ଆକ୍ରମଣ ମଧ୍ୟ ବିଫଳ ।
