ନୂଆଦିଲ୍ଲୀ: ଦେଶବାସୀଙ୍କୁ ଆଜି( ମଙ୍ଗଳବାର) ସମ୍ବୋଧନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କୋଭିଡ-19ର ବ୍ୟାପକତାକୁ ଦୃଷ୍ଟିରେ ରଖି ସମଗ୍ର ଦେଶରେ ଲକ୍ ଡାଉନ୍ ଆହୁରୀ 21 ଦିନ ପାଇଁ ବୃଦ୍ଧି କରାଯାଇଛି । ଆହୁରି 3 ସପ୍ତାହ ପାଇଁ ଦେଶ ସମ୍ପୁର୍ଣ୍ଣ ଲକ୍ ଡାଉନ୍ ରହିବ । ଏନେଇ ଗୃହ ମନ୍ତ୍ରଣାଳୟ ଜାରି କରିଛି ନିର୍ଦ୍ଦେଶନାମା ।
ସମସ୍ତ ସରକାରୀ ଓ ବେସରକାରୀ ଅଫିସ ଏହି 21 ଦିନ ବନ୍ଦ ରହିବ । ପୋଲିସ, ହୋମଗାର୍ଡ, ଡିଫେନ୍ସ ଓ ଜରୁରୀକାଳିନ ସେବା ଗୁଡିକରେ ଅତି କମ୍ କର୍ମଚାରୀ କାମ କରିବେ ଓ ବାକି ‘ୱାର୍କ ଫ୍ରମ୍ ହୋମ୍’ରେ କାର୍ଯ୍ୟ କରିବେ । ହସ୍ପିଟାଲ, ମେଡିକାଲ ଷ୍ଟୋର, ପ୍ରାଇଭେଟ୍ ମେଡିକାଲ୍ ଆଦି ଖୋଲା ରହିବ ।
ସ୍ଥଳପଥ, ରେଳପଥ ଓ ଆକାଶପଥ ବନ୍ଦ ରହିବ । ସମସ୍ତ ବ୍ୟାଙ୍କ କର୍ମଚାରୀ ନିଜ ନିଜ ଘରୁ କାମ କରିବେ । ସମସ୍ତ ସ୍କୁଲ, କଲେଜ ବନ୍ଦ ରହିବ । କୌଣସି ଶବଦାହ ସମୟରେ 20ରୁ ଅଧିକ ଲୋକ ସେଠାରେ ଉପସ୍ଥିତ ରହିପାରିବେ ନାହିଁ । ସମସ୍ତ ମନୋରଞ୍ଜନ କାର୍ଯ୍ୟକ୍ରମ ମଧ୍ୟ ବନ୍ଦ ରହିବ । ଏସବୁ ନିୟମ ନ ପାଳନ ହେଲେ ରାଜ୍ୟସରକାରଙ୍କୁ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ କେନ୍ଦ୍ର ସରକାର ନିର୍ଦ୍ଦେଶ ଦେଇଛି ।
ଅନ୍ୟପକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଆଶ୍ବସନା ଦେବା ସହ ସମସ୍ତ ଜରୁରୀ ସେବା ଯୋଗାଇ ଦିଆଯିବା ନେଇ ସୂଚନା ଦେଇଛନ୍ତି ମୋଦି ।
ବ୍ୟୁରୋ ରିପୋର୍ଟ, ଇଟିଭି ଭାରତ
