ବେଙ୍ଗାଲୁରୁ: ଦିନକୁ ଦିନ ବଢୁଛି ବେଆଇନ ସୁନା ଚାଲାଣ କାରବାର । କର୍ଣ୍ଣାଟକର ମାଙ୍ଗାଲୋର ଅନ୍ତର୍ଜାତୀୟ ବିମାନବନ୍ଦରରୁ ବୁଧବାର 634ଗ୍ରାମର ସୁନା ଜବତ କରିଛି କଷ୍ଟମ ବିଭାଗ ।
କଷ୍ଟମ ବିଭାଗ ଅଧିକାରୀଙ୍କ କହିବା ଅନୁସାରେ ଆବୁବାକ୍କର ସିଦ୍ଦିକ ନାମକ ଜଣେ ବ୍ୟକ୍ତି ପାଉଡର ଆକାରରେ ସୁନା ଚୋରାରେ ଚାଲାଣ କରୁଥିଲେ । କଷ୍ଟମ ବିଭାଗ ଅନୁସନ୍ଧାନ କରି ଅଭିଯୁକ୍ତଙ୍କଠାରୁ 634ଗ୍ରାମର ସୁନା ଜବତ କରିଥିଲା । ଜବତ ସୁନାର ଆନୁମାନିକ ମୂଲ୍ୟ 32.93ଲକ୍ଷରୁ ଅଧିକ ହେବ ବୋଲି କହିଛି କଷ୍ଟମ ବିଭାଗ ।
ସୁନା ଚାଲାଣ କରିଥିବା ଯାତ୍ରୀ ଜଣକ ସ୍ପାଇସ୍ ଜେଟ ବିମାନରେ ଦୁବାଇରୁ ପହଞ୍ଚି ଥିଲେ । ଘଟଣାରେ ଆବୁବାକ୍କର ସିଦ୍ଦିକଙ୍କୁ ଗିରଫ କରିଛି କଷ୍ଟମ ବିଭାଗ ।
ବ୍ୟୁରୋ ରିପୋର୍ଟ, ଇଟିଭି ଭାରତ
