ନୂଆଦିଲ୍ଲୀ: ଆକାଶଛୁଆଁ ସୁନା ଦର । 10 ଗ୍ରାମ ସୁନା ଦର ଏବେ 40 ହଜାର ଡେଇଁଲାଣି । ଯେଉଁଥିପାଇଁ ଖାଁ ଖାଁ ସୁନା ଦୋକାନ । ଗ୍ରାହକ ଆସୁନଥିବାରୁ ସୋରୁମ କର୍ମଚାରୀଙ୍କ ହାତ ପଡିଯାଇଛି । ଏପରି ସ୍ଥିତିରେ ନିଜ ମନୋବଳ ବଢାଇବା ପାଇଁ ସଭିଁଏ ମିଶି କରୁଛନ୍ତି ଡ୍ୟାନ୍ସ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଗୋଟିଏ ମାସ ଭିତରେ ସୁନା ଦାମ ପାଖାପାଖୀ 2000 ଟଙ୍କା ବଢିଛି । ଆଗକୁ ଆହୁରି ବଢିବା ନେଇ ଆଶା ରହିଛି । ଟ୍ରେଡୱାର ଅନିଶ୍ଚିତତା ମଧ୍ୟରେ ନିବେଶକ ବଜାରର ଅପେକ୍ଷା ଅଧିକ ସୁନାରେ ଟଙ୍କା ଲଗାଉଛନ୍ତି । ଫଳରେ ସୁନାର ଚାହିଦା ବୃଦ୍ଧି ଯୋଗୁଁ ଦାମ ମଧ୍ୟ ହୁହୁ ହୋଇ ବଢି ରେକର୍ଡ ଭାଙ୍ଗୁଛି।
ଭାଇରାଲ ଭିଡିଓ
ଏପଟେ ପାର୍ବଣ ଋତୁରେ ସୁନା ଦାମ ବଢିବା ଯୋଗୁଁ ଦୋକାନରେ ଗ୍ରାହକଙ୍କ ଦେଖାଦର୍ଶନ ନାହିଁ । ଯେଉଁଥିପାଇଁ ବେପାରୀ ହତାସ ହୋଇପଡିଲେଣି ।
