ପାଣାଜୀ: ସାରା ଦେଶରେ ପିଆଜର ବର୍ଦ୍ଧିତ ଦର ଲୋକଙ୍କୁ ଘାଇଲା କରିଥିବାବେଳେ କିଛି ବଜାରରୁ ଉଭାନ ହେଲାଣି ଏହି ଦାମି ପରିବା । ତେବେ ଆପଣ ଭାବୁଥିବେ ଘରେ ନହେଉ ପଛେ ରେସ୍ତୋରାଁରେ ତ ପିଆଜକୁ ନେଇ ତିଆରି ହେଉଥିବ ଭିନ୍ନ ଭିନ୍ନ ଆଇଟମ। ହେଲେ ଗୋଆର ଏକ ରେସ୍ତୋରାଁରେ ଦେଖାଦେଇଛି ବ୍ୟତିକ୍ରମ। ପିଆଜର ସ୍ଥାନ ନେଇଛି ବନ୍ଧାକୋବି ଓ ଗାଜର ।
ସାଧାରଣତଃ ଆମେ ସାଲାଡ ଓ ବିରିୟାନୀର କଚମ୍ବରରେ ପିଆଜର ଅଧିକ ବ୍ୟବହାର କରିଥାଉ । ହେଲେ ଏବେ ପିଆଜ ସ୍ଥାନରେ ବ୍ୟବହାର ହେଉଛି ଅଧିକ ବନ୍ଧାକୋବି ଆଉ ଗାଜର । ଗୋଆରେ ବର୍ତ୍ତମାନ ପିଆଜ ଦର 160 । ତେଣୁ ରେସ୍ତୋରାଁରେ ମଧ୍ୟ ଏତେ ମାତ୍ରାରେ ପିଆଜର ବ୍ୟବହାର ସମ୍ଭବ ନୁହେଁ।
ଏହି ରେସ୍ତୋରାଁକୁ ଆସିଥିବା ଜଣେ ଗ୍ରାହକ ରାଗ ଖାଦ୍ୟସହ ପିଆଜ ଖାଇବା ପସନ୍ଦ କରନ୍ତି । ହେଲେ ଏଠାରେ ପିଆଜ ମିଳିନଥିଲା । ଏପଟେ ରେସ୍ତୋରାଁ ମାଲିକ ମଧ୍ୟ ପ୍ରତିଦିନ ପିଆଜ ପାଇଁ ଗ୍ରାହକଙ୍କ ସହ ପାଟିତୁଣ୍ଡ କଥା କହିଛନ୍ତି । କିନ୍ତୁ ଏହି ସମସ୍ୟାର ଏବେ ସେମାନେ କିଛି ସମାଧାନ କରିପାରିବେ ନାହିଁ ବୋଲି କହିଛନ୍ତି ।
