ଅମରାବତୀ: ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରୁ ଏକ ଟ୍ରକରୁ 1427 କିଗ୍ରା ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ପ୍ରାୟ 3.56 କୋଟି ଟଙ୍କା ହେବ । ଏହି ଘଟଣାରେ ଗାଡିର ଡ୍ରାଇଭରକୁ ଗିରଫ କରାଯାଇଛି । ଏନେଇ ଶୁକ୍ରବାର ସୂଚନା ଦେଇଛି ରାଜସ୍ୱ ଗୁଇନ୍ଦା ବିଭାଗ ।
ଡିଆରଆଇର ଏକ ବିଜ୍ଞପ୍ତିରେ କୁହାଯାଇଛି ଯେ, କାର୍ଗୋ ଏରିଆ ଏବଂ ଡ୍ରାଇଭର କ୍ୟାବିନ ମଧ୍ୟରେ ଏକ କୌଶଳତାର ସହ ଡିଜାଇନ ହୋଇଥିବା ସ୍ୱତନ୍ତ୍ର ସ୍ଥାନରେ ଏହି ଗଞ୍ଜେଇକୁ ଲୁଚେଇ ରଖାଯାଇଥିଲା । ଗୁଇନ୍ଦା ବିଭାଗର ଖବର ମୁତବକ, ପାନ୍ଥଙ୍ଗି ଟୋଲ ପ୍ଲାଜା ନିକଟରେ ଖରାପ ହୋଇଯାଇଥିବା ଉକ୍ତ ଟ୍ରକର ଟାୟାରକୁ ପରିବର୍ତ୍ତନ କରିବା ସମୟରେ ଏହାକୁ ରୋକାଯାଇ ଜବତ କରାଯାଇଥିଲା ।
ଏହି ଗଞ୍ଜେଇ ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରୁ ଲୋଡ ହୋଇ ଉତ୍ତରପ୍ରଦେଶ ଅଭିମୁଖେ ଯାଉଥିଲା। କଣ୍ଟ୍ରାବ୍ୟାଣ୍ଡ ଓ ଗାଡି ଜବତ କରାଯାଇଥିଲା ଏବଂ ଡ୍ରାଇଭରକୁ ନାରକୋଟିକ ଡ୍ରଗ ଏବଂ ସାଇକୋଟ୍ରୋପିକ ସବଷ୍ଟାନସେସ ପଦାର୍ଥ (NDPS) ଅଧିନିୟମ, 1985 ଅନୁଯାୟୀ ଗିରଫ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
