ହାଇଦ୍ରାବାଦ: ତେଲେଙ୍ଗାନାରୁ ୟେମେନ ନାଗରିକ ଗିରଫ । ଗତକାଲି ହାଇଦ୍ରାବାଦ ପୋଲିସ ବିଦେଶୀ ନାଗରିକକୁ ବେଆଇନ ଭାବରେ ବାସକରୁଥିବା ଅଭିଯୋଗରେ ଗିରଫ କରିଛି । ତାଙ୍କ ନିକଟରୁ ନକଲି ଭାରତୀୟ ପାସପୋର୍ଟ ଓ ଆଧାର କାର୍ଡ ଜବତ କରାଯାଇଛି ।
ସୂଚନା ଅନୁଯାୟୀ ମୁବାରକ ବିନ ଆୱାଦ ନାମକ 30 ବର୍ଷିୟ ୟେମେନ ନାଗରିକକୁ ହାଇଦ୍ରାବାଦର ଗୁଲଜାର କୋଲନୀରୁ ପୋଲିସ ଗିରଫ କରିଛି । ବିଦେଶ ନାଗରିକ ବିରୋଧରେ ପାସପୋର୍ଟ, ବିଦେଶ ନାଗରିକ ଆଇନ ଏବଂ ଆଇପିସିର ବିଭିନ୍ନ ଧାରାରେ ମାମଲା ରୁଜୁ କରାଯାଇଛି ।
ୟେମେନ ନାଗରିକ ନିର୍ଦ୍ଦିଷ୍ଟ କେତେ ଦିନର ଭିସାରେ ଆସି ଭାରତରେ ରହୁଥଲେ, ଏହାପରେ ତାଙ୍କର ଭିସା ଅବଧି ପୂରଣ ହୋଇଯାଇଥିଲା । ତାପରେ ସେ ଭାରତରେ ଜାଲ ଆଧାର କାର୍ଡ ଓ ଭୋଟ ପରିଚୟ ପତ୍ର ପ୍ରଦାନ କରି ଭାରତୀୟ ପାସପୋର୍ଟ ମଧ୍ୟ ହାସଲ କରିଛନ୍ତି ।
