ରାୟପୁର : ସଡକ ଦୁର୍ଘଟଣାରେ ଗଲା 5 ଜୀବନ । ଦୁର୍ଘଟଣାଟି ଛତିଶଗଡ ନାଗଫାନି ବରସୋର ଥାନା ଅଞ୍ଚଳରେ ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ 2 ଜଣଙ୍କ ପରିଚୟ ମିଳିଥିବା ବେଳେ 3 ଜଣଙ୍କ ପରିଚୟ ଏପର୍ଯ୍ୟନ୍ତ ମିଳିପାରିନାହିଁ । ବିଳମ୍ବିତ ରାତି କିମ୍ବା ଘନ କୁହୁଡି ଯୋଗୁଁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି । ଗାଡିଟି ବରସୋରରୁ ଜଗଦଲପୁର ଅଭିମୁଖେ ଯାଉଥିବା ବେଳେ ସଡକ ଦୁର୍ଘଟଣା ଘଟିଥିଲା । ଏହି ଦୁର୍ଘଟଣାରେ ଡ୍ରାଉଭରଙ୍କ ସମେତ 5 ଜଣଙ୍କ ମୃତ୍ୟୁ ହୋଇଛି ।
ବିଳମ୍ବିତ ରାତିରେ ଏହି ଦୁର୍ଘଟଣାଟି ଘଟିଥିବାରୁ ଗୁରୁତର ମାନଙ୍କୁ ଚିକିତ୍ସା କରାଯାଇପାରି ନ ଥିଲା । ଯାହାଫଳରେ ସେମାନଙ୍କର ମୃତ୍ୟୁ ଘଟିଛି । ଦୁର୍ଘଟଣାର ଖବର ଜଣାପଡିବା ପରେ, ଘଟଣାସ୍ଥଳରେ ଆମ୍ବୁଲାନ୍ସ ପହଞ୍ଚି ମୃତଦେହ ଗୁଡିକୁ ଗିଡାମାର୍ଚୁରୀକୁ ସ୍ଥାନାନ୍ତର କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
