ରାଞ୍ଚି: ଝାଡଖଣ୍ଡ ରାଞ୍ଚିରେ ବିଭିନ୍ନ ସ୍ଥାନରେ ଚଢାଉ କରି ପିପୁଲସ ଲିବରେସନ ଫଣ୍ଟ ଅଫ ଇଣ୍ଡିଆର ପାଞ୍ଚ ଜଣ ନକ୍ସଲଙ୍କୁ ଗିରଫ କରିଛି ପୋଲିସ । ସେମାନଙ୍କ ଯୋଜନାକୁ ମଧ୍ୟ ପଣ୍ଡ କରିଛି ରାଞ୍ଚି ପୋଲିସ ।
ସୂଚନାଅନୁସାରେ ଗିରଫ ହୋଇଥିବା ପାଞ୍ଚ ନକ୍ସଲ ନିଜକୁ ଛାତ୍ରର ପରିଚୟ ଦେଇ ରାଞ୍ଚିର ବିଭିନ୍ନ ଅଞ୍ଚଳରେ ରହୁଥିଲେ । ସେମାନଙ୍କ ମଧ୍ୟରୁ ଦୁଇଜଣଙ୍କ ପାଖରୁ ଦୁଇଟି ଲୋଡିଂ ଦେଶୀ ବନ୍ଧୁକ, 6ଟି ଅଫୁଟା କାର୍ଟ୍ରିଜ ଜବତ ହୋଇଛି ।
ଗିରଫ ପାଞ୍ଚଜଣ ହେଲେ ବିଜୟ ମୁଣ୍ଡା, ବିଶାଲ ଶର୍ମା, ଆକାଶ ସିଂହ, ସୁଶୀଲ ବର୍ମା ଓ ବିଶାଲ କୁମାର ସ୍ବାନସି । ସେମାନେ ରହୁଥିବା ଜାଗା ସମ୍ପର୍କରେ ଟିପ୍ ଅଫ୍ ଦଳ ଜଣାଇଥିଲା ବୋଲି କହିଛି ପୋଲିସ ।
ତେବେ ଆଗରୁ ଗିରଫ ନକ୍ସଲଙ୍କ ବିରୋଧରେ ଅନେକ ମାମଲା ରୁଜ୍ଜୁ ଥିବା ପୋଲିସ କହିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
