ରାୟପୁର: ପଙ୍ଖାଜୁର ପୋଲିସକୁ ବଡ ସଫଳତା । ମାଓବାଦୀଙ୍କ ନାଁ କହି ଲୋକଙ୍କୁ ଧମକ ଦେଇ ବିପୁଳ ମାତ୍ରାରେ ଟଙ୍କା ଠକିଥିବା 5 ନକଲି ମାଓବାଦୀଙ୍କୁ ଗିରଫ କରିଛି ପୋଲିସ । ଗିରଫ ହୋଇଥିବା 5 ଜଣଙ୍କ ନାଁରେ ବିଭିନ୍ନ ଅଭିଯୋଗ ହୋଇଆସୁଥିଲା । ସେମାନେ ସ୍ଥାନୀୟ ଜଣେ ମତ୍ସ୍ୟଜୀବୀଙ୍କ ଘରେ ପଶି ବନ୍ଧୁକ ଦେଖାଇ ଧମକ ଦେବା ସହ 5 ଲକ୍ଷ ନଗଦ ଟଙ୍କା ଓ 2 ଲକ୍ଷରୁ ଉର୍ଦ୍ଧ୍ବ ଟଙ୍କାର ଗହଣା ଲୁଟି ନେଇଥିବା ପୁର୍ବରୁ ଅଭିଯୋଗ ହୋଇଥିଲା ।
ଗିରଫ ହେଲେ 5 ନକଲି ମାଓବାଦୀ , ବନ୍ଧୁକ ମୁନରେ ଲୁଟିଥିଲେ ଲକ୍ଷ ଲକ୍ଷ ଟଙ୍କା
ସେମାନଙ୍କୁ ଗିରଫ କରାଯିବା ପରେ ସେମାନଙ୍କ ପାଖରୁ ଗୋଟିଏ 9 ଏମଏମ ମାଉଜର , ଅଫୁଟା ଗୁଳି, ଲୁଟ ହୋଇଥିବା ସୁନା ଗହଣା ସମେତ ଟଙ୍କା ଓ ବିଭିନ୍ନ ବ୍ୟାଙ୍କର ଏଟିଏମ କାର୍ଡ ସହ ଗୋଟିଏ ଓ୍ବାକିଟକି ସେଟ ଓ 3 ଟି ମୋଟରସାଇକେଲ ମଧ୍ୟ ଜବତ କରିଛି ପୋଲିସ ।
