ଚଣ୍ଡିଗଡ: ହରିୟାଣାର ଜିନ୍ଦ ଜିଲ୍ଲା ଜଲାଲପୁର ଅଞ୍ଚଳରେ ଥିବା ଏକ ଜିଓ ମୋବାଇଲ ଟାଓ୍ବାରରେ ନିଆଁ ଲାଗିଯାଇଛି । ଫଳରେ ଟାଓ୍ବାର କଣ୍ଟ୍ରୋଲ ରୁମ ସମ୍ପୂର୍ଣ୍ଣ ରୂପେ ଜଳିଯାଇଥିବା ଦେଖିବାକୁ ମିଳିଛି । ଏଥିରେ କେହି ମୃତାହତ ହୋଇଥିବାର ସୂଚନା ନାହିଁ । ନିଆଁ ଲାଗିବାର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନଥିବା ବେଳେ କୃଷକ ଆନ୍ଦୋଳନରୁ ଏହି ଅଗ୍ନିକାଣ୍ଡ ହୋଇଥିବା ସନ୍ଦେହ କରାଉଛି ।
ଟାଓ୍ବାରରେ ନିଆଁ ଲାଗିଥିବା ଦେଖାଯିବା ପରେ ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଫୋନ କରିଥିଲେ । ଦମକଳ ପହଞ୍ଚି ନିଆଁକୁ ଆୟତ କରିଛି । ଟାଓ୍ବାର କଣ୍ଟ୍ରୋଲ ରୁମ ସମ୍ପୂର୍ଣ୍ଣ ଜଳିଯିବ ଫଳରେ ଟେଲି ଯୋଗାଯୋଗ ବାଧାପ୍ରାପ୍ତ ହୋଇଛି । ସ୍ଥାନୀୟ ଅଞ୍ଚଳରେ ଜିଓ ନେଟଓ୍ବାର୍କ ଚାଲିଯାଇଥିବାରୁ ଜିଓ ଉପଭୋକ୍ତା ମାନେ ସମସ୍ୟାର ସମ୍ମୁଖୀନ ହୋଇଛନ୍ତି ।
ଟାଓ୍ବାରର କଣ୍ଟ୍ରୋଲ ରୁମରେ କାର୍ଯ୍ୟରତ ଜଣେ କର୍ମଚାରୀ ଘଟଣାକୁ ନେଇ ସ୍ଥାନୀୟ ଥାନାରେ ଏତଲା ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଯାନ୍ତ୍ରିକ ତ୍ରୁଟି ଯୋଗୁଁ ନା ଉଦ୍ଦେଶ୍ୟ ମୂଳକ ଭାବେ ନିଆଁ ଲଗାଯାଇଛି ତାହା ତଦନ୍ତ ପରେ ସ୍ପଷ୍ଟ ହେବ ବୋଲି ପୋଲିସ କହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
