ନୂଆଦିଲ୍ଲୀ: ରବିବାର ଦକ୍ଷିଣ ପୂର୍ବ ଦିଲ୍ଲୀ ଶାହିନ ବାଗ ଅଞ୍ଚଳରେ ଅଗ୍ନିକାଣ୍ଡ ଘଟି ଏକ ଫର୍ଣ୍ଣିଚର ଦୋକାନ ପୋଡି ପାଉଁଶ ହୋଇଯାଇଛି । ଖବର ପାଇ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲା । ବର୍ତ୍ତମାନ ସୁଦ୍ଧା କେହି ମୃତାହାତ ହୋଇନଥିବା ଜଣାପଡିଛି । ଏନେଇ ଦିଲ୍ଲୀ ଅଗ୍ନିଶମ ସେବା ନିର୍ଦ୍ଦେଶକ ଅତୁଲ ଗର୍ଗ କହିଛନ୍ତି ଯେ କୌଣସି କାରଣରୁ ଶାହିନ ବାଗର ଏକ ଫର୍ଣ୍ଣିଚର ଦୋକାନରେ ନିଆଁ ଲାଗିଯାଇଥିଲା । ଯାହା ସାଧାରଣ ଜନବସତି ଅଞ୍ଚଳ ପାଖରେ ରହିଥିବା ହେତୁ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ଶୀଘ୍ର ନିୟନ୍ତ୍ରଣ କରିଥିଲା।
ଅନ୍ୟପଟେ ଦକ୍ଷିଣ ପୂର୍ବାଞ୍ଚଳ ଜିଲ୍ଲା ଡିସିପି ଆର ପି ମୀନା କହିଛନ୍ତି ଯେ ଅଗ୍ନିକାଣ୍ଡ ଘଟିଥିବା ଦୋକାନ ମାଲିକମାନେ ହେଲେ ଦିଲଶାଦ, ମୋହଦ ସବୀର ଏବଂ ନୈଶାଦ । ପ୍ରାୟ 400-500 ସ୍ଥାନୀୟ ଲୋକ ନିଆଁ କୁ ଆୟତ କରିବା ପାଇଁ ଚେଷ୍ଟା କରିଥିଲେ । ପରେ ଦିଲ୍ଲୀ ଅଗ୍ନିଶମ ଗାଡି ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା । ଅଗ୍ନିକାଣ୍ଡରେ କୌଣସି ମୃତାହତ ହୋଇନଥିବା ବେଳେ ପ୍ରାୟ 4 ଲକ୍ଷ ଟଙ୍କାର କ୍ଷତି ହୋଇଥିବା ଅନୁମାନ କରାଯାଉଛି ।
@IANS
