ଚଣ୍ଡିଗଡ: ହରିୟାଣାର ରାବେଡିସ୍ଥିତ ଗୋପାଳନ କେନ୍ଦ୍ରରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ 24ଟି ଗୋରୁ ଜୀବନ୍ତ ଦଗ୍ଧ ହୋଇଥିବାବେଳେ ଗୋପାଳନ କେନ୍ଦ୍ରରେ ଥିବା 10 ଲକ୍ଷରୁ ଊର୍ଦ୍ଧ୍ବ ଟଙ୍କାର କ୍ୟାଟରିଂ ସାମଗ୍ରୀ ପୋଡି ନଷ୍ଟ ହୋଇଥିବା ଜଣାପଡିଛି ।
ସୂଚନାନୂଯାୟୀ, ରାବେଡି ନିକଟସ୍ଥ ଏନଏଚ 71ର ରାମଗଡ ରୋଡ ନିକଟରେ ଥିବା ଗୋପାଳନ କେନ୍ଦ୍ରରେ କୌଣସି କାରଣବଶତଃ ନିଆଁ ଲାଗିଯାଇଥିଲା । ତେବେ ଅଗ୍ନିକାଣ୍ଡର ମାତ୍ରା ଏତେ ଭୟାନକ ଥିଲାଯେ, ଆଖିପିଛୁଳାକେ ସମ୍ପୂର୍ଣ୍ଣ ଗୋପାଳନ କେନ୍ଦ୍ରଟି ଜଳିପୋଡି ପାଉଁଶ ହୋଇଯାଇଥିଲା। ଖବରପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଦୀର୍ଘ ସମୟ ପରେ ନିଆଁକୁ କାବୁ କରିଥିଲେ ।
ତେବେ ଅଗ୍ନିକାଣ୍ଡର କାରଣ ଜଣାପଡିନଥିବାବେଳେ ସର୍ଟସର୍କିଟ ଯୋଗୁଁ ଏହା ଘଟିଥିବା ସନ୍ଦେହ କରାଯାଉଛି । ଖବର ପାଇ ପୋଲସି ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
