ବେଙ୍ଗାଲୁରୁ : ରବିବାର ସନ୍ଧ୍ୟାରେ କର୍ଣ୍ଣାଟକର ଟୁମୁକୁରୁ ଜିଲ୍ଲାର ପାଭାଗଡାସ୍ଥିତ ବିଶ୍ବର ସର୍ବବୃହତ ସୌର ବିଦ୍ୟୁତ୍ କେନ୍ଦ୍ରରେ ଅଗ୍ନିକାଣ୍ଡ ଘଟିଥିବା ଜଣା ପଡିଛି । ଏହି ଘଟଣାରେ କାର ଏବଂ ବାଇକ୍ ସମେତ ଅନେକ ସୌର ଶକ୍ତି ପାଇଁ ବ୍ୟବହୃତ ଯନ୍ତ୍ରାଂଶ ପୋଡି ପାଉଁଶ ହୋଇଯାଇଛି। ଏହି ଅଗ୍ନିକାଣ୍ଡ ସୌର କାରଖାନାର 37ତମ ବ୍ଲକରେ ଘଟିଥିବା ଜଣାପଡିଛି ।
କର୍ଣ୍ଣାଟକରେ ବିଶ୍ବର ସର୍ବବୃହତ ସୌର ବିଦ୍ୟୁତ କେନ୍ଦ୍ରରେ ଅଗ୍ନିକାଣ୍ଡ
ଘଟଣାରୁ ମିଳିଥିବା ସୂଚନା ଅନୁସାରେ କାରଖାନାରେ ଇଲେକ୍ଟ୍ରିକ୍ ସର୍ଟ ସର୍କିଟ ଯୋଗୁଁ ଏପରି ଅଗ୍ନକାଣ୍ଡ ଘଟିଥିବା ଅନୁମାନ କରାଯାଉଛି । ଏହି ଘଟଣାରେ କେହି ମୃତାହତ ହୋଇନଥିବାବେଳେ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ଯାଇଥିବା ସୂଚନା ରହିଛି । 13500 ଏକର ପରିମିତ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
