ଦିଲ୍ଲୀ: କରୋଲବାଗର ଭୟାବହ ଅଗ୍ନିକାଣ୍ଡକୁ 24 ଘଣ୍ଟା ନପୁରୁଣୁ ପୁଣିଥରେ ଦିଲ୍ଲୀରେ ଆଉ ଏକ ଅନୁରୂପ ଘଟଣା ଦେଖିବାକୁ ମିଳିଛି । ନାରାୟଣାସ୍ଥିତ ଏକ ପେପର କାର୍ଡ଼ କାରଖାନାରେ ଏହି ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡକୁ ନିୟନ୍ତ୍ରଣ କରିବା ପାଇଁ 29ଟି ଦମକଳ ଗାଡ଼ି ନିୟୋଜିତ ହୋଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, ଏହି କାରଖାନାରେ କାର୍ଡ, ଷ୍ଟେସନାରୀ ଏବଂ ପର୍ଫ୍ୟୁମ ତିଆରି କରାଯାଏ । ଅଗ୍ନିକାଣ୍ଡଟି ସକାଳ 7ଟାରେ ହୋଇଥିବା ବେଳେ ଏଥିରେ କୌଣସି ପ୍ରାଣହାନୀ ହୋଇନଥିବା ସୂଚନା ମିଳିଛି।
ରାଜଧାନୀ ଦିଲ୍ଲୀରେ ସପ୍ତାହକ ମଧ୍ୟରେ 2ଥର ଅଗ୍ନିକାଣ୍ଡ ଘଟିଲାଣି । ମଙ୍ଗଳବାର ଦିଲ୍ଲୀ କରୋଲବାଗରସ୍ଥିତ ହୋଟେଲ ଅର୍ପିତ ପ୍ୟାଲେସରେ ଭୟାବହ ଅଗ୍ନିକାଣ୍ଡ ଘଟିଥିଲା। ଏଥିରେ 17ଜଣ ପ୍ରାଣ ହରାଇଥିଲେ।
