ମୁମ୍ବାଇ: ମୁମ୍ବାଇର ସମତା ନଗର ଅଞ୍ଚଳରେ ଏକ ଘରେ ଭୀଷଣ ଅଗ୍ନିକାଣ୍ଡ ଘଟିଛି । ବୁଧବାର ବିଳମ୍ବତି ରାତିରେ ଏହି ଦୁର୍ଘଟଣା ଘଟିଥିବା ଜଣାପଡିଛି । ଏଥିରେ 9 ଜଣ ଲୋକ ଗୁରୁତର ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନାନୁସାରେ, ସର୍ଟସର୍କିଟ ଘଟି ଏହି ଅଗ୍ନିକାଣ୍ଡ ହୋଇଥିବା ଜଣାପଡିଛି । ନିଆଁ ଲାଗିବାର କିଛି ସମୟପରେ ଘରେ ଥିବା ଏକ ସିଲିଣ୍ଡର ଫାଟିବା ଯୋଗୁଁ ନିଆଁର ପ୍ରକୋପ ଆହୁରି ବୃଦ୍ଧି ପାଇଥିଲା। ଫଳରେ ଆଖିପିଛୁଳାକେ ସମ୍ପୂର୍ଣ୍ଣ ଘରଟି ଜଳି ଛାରଖାର ହୋଇଯାଇଥିଲା। ଖବରପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଦିର୍ଘ ସମୟର କସରତ ପରେ ନିଆଁକୁ କାବୁ କରିଥିଲା ।
ତେବେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି ।
