ଗାନ୍ଧିନଗର: ଗୁଜୁରାଟ ଭାଲସାଦ ଜିଲ୍ଲାର ସରିଗାମ GIDC ର ଦାଶମେଶ ରବର ପ୍ଲାଣ୍ଟରେ ବଡ ଧରଣର ଅଗ୍ନିକାଣ୍ଡ । ଶୁକ୍ରବାର ରାତି ପ୍ରାୟ 11ଟାରୁ ଆରମ୍ଭ ହୋଇ ଶନିବାର ରାତି 10ଟା ପର୍ଯ୍ୟନ୍ତ ନିଆଁ ଲିଭିନାହିଁ । ଧିରେ ଧିରେ ନିଆଁ ବ୍ୟାପୀ ନିକଟରେ ଥିବା ଅନ୍ୟ ଦୁଇଟି କମ୍ପାନୀରେ ମଧ୍ୟ ନିଆଁ ଲାଗିଯାଇଥିଲା । ତେବେ ଅଗ୍ନିକାଣ୍ଡରେ କେହି ମୃତାହତ ହୋଇନଥିବା ସୂଚନା ରହିଛି ।
ସରିଗାମ GIDC ଶୁକ୍ରବାର ରାତି ପ୍ରାୟ 11ଟାରେ ରବର ପ୍ଲାଣ୍ଟରେ କୌଣସି କାରଣ ବଶତଃ ନିଆଁ ଲାଗିଯାଇଥିଲା । ଖବର ମିଳିବା ପରେ ଅଗ୍ନିଶମ ବିଭାଗର ଟିମ୍ କମ୍ପାନୀରେ ପହଞ୍ଚି ନିଆଁକୁ ନିୟନ୍ତ୍ରଣ କରିବା ପାଇଁ ଉଦ୍ୟମ କରିଥିଲେ। 3ଟି ଯାକ କମ୍ପାନୀ ନିଆଁରେ ପୋଡି ହୋଇଯାଇଥିଲା । ତେବେ ଗତ 11 ଘଣ୍ଟା ଧରି ନିଆଁ ଲିଭି ନଥିବା ଜଣାପଡିଛି ।
ଏହି ଅଗ୍ନିକାଣ୍ଡରେ କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି । କିନ୍ତୁ କମ୍ପାନୀଗୁଡିକରେ ଥିବା ସମସ୍ତ ସାମଗ୍ରୀ ଏବଂ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି । ଅଗ୍ନିକାଣ୍ଡରେ ସରିଗାମ ଶିଳ୍ପାଞ୍ଚଳରେ ଆତଙ୍କ ଖେଳିଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
