ଲକ୍ଷ୍ନୌ: କୋରୋନା ମହାମାରୀ ମଧ୍ୟରେ ଉତ୍ତରପ୍ରଦେଶ ଶାହାଜାହାପୁରରେ ଏକ ସମ୍ବେଦନଶୀଳ ଘଟଣା ସାମ୍ନାକୁ ଆସିଛି । ଏଠାରେ଼ ଜଣେ କାର ଚାଳକ ବାପା ଏବଂ ପୁଅକୁ ଗୁଳି କରି ହତ୍ୟା କରିଛନ୍ତି ।
ୟୁପିରେ ବାପ ଓ ପୁଅଙ୍କୁ ଗୁଳି କରି ହତ୍ୟା
ସୂଚନା ଅନୁଯାୟୀ, ଏହି ଘଟଣା ଥାନା ସଦର ବଜାର ଅଞ୍ଚଳର ଚିନୌର ଗାଁର ଅଟେ । ଯେଉଁଠାରେ ଆକାଶ ନାମକ ଜଣେ ଯୁବକଙ୍କ ବାଇକ ଏକ କାରକୁ ଧକ୍କା ଦେଇଥିଲା। ଯାହାକୁ ନେଇ ଉଭୟଙ୍କ ମଧ୍ୟରେ ଝଗଡା ହୋଇଥିଲା । ଝଗଡା ଏତେ ମାତ୍ରା ବଢିଯାଇଥିଲା ଯେ କାର ଚାଳକ ଜଣଙ୍କ ଆକାଶଙ୍କୁ ଗୁଳି ମାରିଥିଲେ । ନିଜ ପୁଅକୁ ବଞ୍ଚାଇବାକୁ ଆସୁଥିବା ସମୟରେ କାର ଚାଳକ ଜଣଙ୍କ ଆକାଶଙ୍କ ବାପାଙ୍କୁ ମଧ୍ୟ ଗୁଳି ମାରି ଘଟଣାସ୍ଥଳରୁ ଫେରାର ହୋଇଯାଇଥିଲେ । ପ୍ରତ୍ୟକ୍ଷଦର୍ଶୀ ସେମାନଙ୍କୁ ନିକଟସ୍ଥ ମେଡିକାଲ ନେଇଥିଲେ ବି ଡାକ୍ତର ସେମାନଙ୍କୁ ମୃତ ଘୋଷିତ କରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି କାର ଜବତ କରିଥିବା ବେଳେ କାର ଚାଳକଙ୍କୁ ଚିହ୍ନଟ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
