ନୂଆଦିଲ୍ଲୀ: ପୂର୍ବ ବିଦେଶ ମନ୍ତ୍ରଣାଳୟର ସଚିବ ସୁବ୍ରମଣ୍ୟମ ଜୟ ଶଙ୍କର ଶପଥ ନେବା ସହ ମୋଦି ମନ୍ତ୍ରୀ ମଣ୍ଡଳରେ ସାମିଲ ହୋଇଛନ୍ତି । 1977 ବ୍ୟାଚ୍ର ବିଦେଶ ସେବାଧିକାରୀ ଜୟ ଶଙ୍କର ମୋଦି ସରକାରଙ୍କ ପ୍ରଥମ କାର୍ଯ୍ୟକାଳରେ 2015ରୁ 2018 ପର୍ଯ୍ୟନ୍ତ ବିଦେଶ ମନ୍ତ୍ରଣାଳୟର ସଚିବ ଭାବେ ନିଜ କାର୍ଯ୍ୟଭାର ତୁଲାଇଛନ୍ତି ।
ବୈଦେଶିକ ବ୍ୟାପାର ମାମଲାରେ ଦକ୍ଷ ଥିବା ଜୟ ଶଙ୍କର ଆମେରିକା, ଚୀନ୍ରେ ଭାରତୀୟ ରାଷ୍ଟ୍ରଦୂତ ତଥା ସିଙ୍ଗାପୁରର ହାଇକମିସନର ଭାବେ ଦାୟିତ୍ୱ ନିର୍ବାହ କରିଛନ୍ତି । ବୈଦେଶିକ ସଚିବ ଭାବେ କାର୍ଯ୍ୟକାଳ ସମାପ୍ତ ହେବା ପରେ ଜୟ ଶଙ୍କରଙ୍କୁ ଟାଟା ଗ୍ରୁପର ବୈଷୟିକ କର୍ପୋରେଟ ମାମଲାର ଅଧ୍ୟକ୍ଷ ଭାବେ ନିଯୁକ୍ତ କରାଯାଇଥିଲା ।
ମନ୍ତ୍ରୀମଣ୍ଡଳରେ ସାମିଲ ହେବା ପରେ ଜୟ ବୈଦେଶିକ ରାଷ୍ଟ୍ରମନ୍ତ୍ରୀ ହେବା ନେଇ ଅନୁମାନ କରାଯାଉଛି । ପୂର୍ବରୁ ମୋଦି 2014 ମସିହାରେ ସମ୍ବାଦିକ ଏମ ଜେ ଆକବର ଏହି ଦାୟିତ୍ୱରେ ଥିଲେ।
