ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନଙ୍କ ମନ୍ତବ୍ୟକୁ ନେଇ ମତ ପ୍ରକାଶ କଲେ ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ । ଦେଶର ବିଭିନ୍ନ ରାଜ୍ୟରେ କୋରୋନାର ଗୋଷ୍ଠୀ ସଂକ୍ରମଣ ପ୍ରମାଣ ଦେଖିବାକୁ ମିଳୁଛି ବୋଲି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କ ପ୍ରତିକ୍ରିୟାରେ ସତ୍ୟେନ୍ଦ୍ର ଜୈନ କହିଛନ୍ତି, ଯଦି ଏକ ଲକ୍ଷ କୋରୋନା ମାମଲାକୁ ଗୋଷ୍ଠୀ ସଂକ୍ରମଣ ବୋଲି ବିବେଚନା କରାଯାଉନାହିଁ । ତେବେ କେବେ ଏହାକୁ ବିବେଚନା କରାଯିବ ।
‘ମୁଁ ମାସେ ହେବ ଏହା କହିଆସୁଥିଲି । କିନ୍ତୁ ଜଣାନାହିଁ କଣ ସମସ୍ୟା ଥିଲା ଏହାକୁ ସ୍ବିକାର କରିବା ପାଇଁ । ଯଦି ଲକ୍ଷ ଲକ୍ଷ ମାମଲା ଗୋଷ୍ଠୀ ସଂକ୍ରମଣ ବୋଲି ବିବେଚନା କରାଯାଏ ନାହିଁ । ତେବେ ଏହାକୁ କେବେ ବିଚାର କରାଯିବ?’ ବୋଲି ସତ୍ୟନ୍ଦ୍ର ଜୈନ ପ୍ରଶ୍ନ କରିଛନ୍ତି । ଦିଲ୍ଲୀର ମେଡିକାଲଗୁଡ଼ିକରେ 5034 ବେଡ ଉପଲବ୍ଧ ରହିଛି । ଏବେବି ପ୍ରାୟ 70 ପ୍ରତିଶତ ବେଡ୍ ଉପଲବ୍ଧ ଅଛି ବୋଲି ସେ କହିଛନ୍ତି ।
ଗତ ଏକ ମାସ ପୂର୍ବରୁ ଯାହା ପରିସ୍ଥିତି ଥିଲା ତା ଅପେକ୍ଷା ବର୍ତ୍ତମାନ ପରିସ୍ଥିତି ଟିକେ ଭଲ ରହିଛି । ତଥାପି ସମସ୍ତଙ୍କୁ ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାୟ ରଖିବା ପାଇଁ ସେ ଅନୁରୋଧ କରିଛନ୍ତି । ଯାହାଫଳରେ ପର୍ବପର୍ବାଣୀ ଋତୁରେ କୋରୋନା ସଂକ୍ରମଣ କମ ରହିବ ।
