ନୂଆଦିଲ୍ଲୀ: ଜମ୍ମୁ-କାଶ୍ମୀରର ବର୍ତ୍ତମାନର ସ୍ଥିତି ପରିଖିବା ପାଇଁ ୟୁରୋପିୟନ ୟୁନିୟନ ସଂସଦର ଏକ ପ୍ରତିନିଧି ମଣ୍ଡଳ 2 ଦିନିଆ ଘାଟି ପରିଦର୍ଶନରେ ଯିବେ । ୟୁରୋପିୟନ ସଂସଦଙ୍କ ପ୍ରତିନିଧି ମଣ୍ଡଳରେ ସାମିଲ ସମସ୍ତ 27 ସାଂସଦ ସୋମବାର ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଜାତୀୟ ସୁରକ୍ଷା ପରାମର୍ଶଦାତା(ଏନଏସଏ) ଅଜିତ ଡୋଭାଲଙ୍କ ସହ ସାକ୍ଷାତକାର କରିଛନ୍ତି ।
ଘାଟି ଗ୍ରସ୍ତ ପୂର୍ବରୁ ରାଷ୍ଟ୍ରୀୟ ରାଜଧାନୀରେ ଇୟୁ ସାଂସଦଙ୍କ ସହ ସାକ୍ଷାତକାର ଅବସରରେ ପିଏମ୍ ମୋଦି ପ୍ରତିନିଧି ମଣ୍ଡଳଙ୍କୁ କାଶ୍ମୀର ବିକାଶଧାରା ସମ୍ପର୍କରେ ଅବଗତ କରାଇଛନ୍ତି । ଏହାସହ ମୋଦି ଆତଙ୍କବାଦ ବିରୋଧରେ ଲଢିବା ପାଇଁ ଅନ୍ତରାଷ୍ଟ୍ରୀୟ ସହଯୋଗର ଆବଶ୍ୟକତା ରହିଥିବା କଥା କହିଛନ୍ତି । ସେହିପରି ଅଜିତ ଡୋଭାଲ ଘାଟିରେ ଆତଙ୍କବାଦ ସମ୍ବନ୍ଧରେ ଆଲୋଚନା କରିଛନ୍ତି ।