ସୋପିଆନ: ଜମ୍ମୁ କାଶ୍ମୀର ସୋପିଆନରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ଜାରି । ଗତ 24 ଘଣ୍ଟା ମଧ୍ୟରେ ପାଖାପାଖି 4ଥର ଏନକାଉଣ୍ଟର ହୋଇସାରିଲାଣି । ଏହି ଏନକାଉଣ୍ଟର ଜମ୍ମୁ କାଶ୍ମୀର ସୋପିଆନ ଜିଲ୍ଲାର ଇମାମ ସାହିବ ଅଞ୍ଚଳରେ ଶୁକ୍ରବାର ସକାଳ ସମୟରେ ହୋଇଛି।
ଏନକାଉଣ୍ଟର ସମୟରେ ସ୍ଥାନୀୟ ଅଞ୍ଚଳରେ ଥିବା ଏକ କୋଠା ଘରେ 2 ରୁ 3 ଆତଙ୍କବାଦୀ ଲୁଚି ରହିଥିବା ପୋଲିସ ପକ୍ଷରୁ ସୂଚନା ମିଳିଛି । ଘଟଣା ବିଷୟରେ ଖବର ପାଇବା ପରେ ସରୁକ୍ଷାକର୍ମୀଙ୍କ ସହ 14 ଓ 178 ବାଟାଲିୟନ ସର୍ଚ୍ଚ ଅପରେସନ ଜାରି ରଖିଛନ୍ତି ।
ଗତ ଗୁରୁବାର ବାରମୂଳାରେ ହୋଇଥିବା ଏନକାଉଣ୍ଟରରେ 2 ଜଣ ଆତଙ୍କବାଦୀ ଟଳି ପଡିଥିଲେ । ଏହାସହ ସେମାନଙ୍କ ପାଖରୁ ଏକେ 47 ରାଇଫଲ, 3ଟି ମାଗାଜିନ, ଗୋଟିଏ ମୋବାଇଲ ଫୋନ ଓ ଜିପିଏସ ଡିଭାଇସ ଜବତ କରାଯାଇଥିଲା ।
