ନୂଆଦିଲ୍ଲୀ: ଭାରତ-ଚୀନ ସମ୍ପର୍କରେ ସୁଧାର ଆସିଛି । ପୂର୍ବାପେକ୍ଷା ଦୁଇ ପଡୋଶୀ ଦେଶ ମଧ୍ୟରେ ବନ୍ଧୁତ୍ବ ନିବିଡ ହୋଇଛି । ଚୀନ ରାଷ୍ଟ୍ରପତି ସି ଜିନପିଙ୍ଗ୍ ଓ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇଟି ଅନୌପଚାରିକ ବୈଠକ କରି ନୂଆ ଏକ ଅଧ୍ୟାୟର ଆରମ୍ଭ କରିଛନ୍ତି । ଯେଉଁଠି ଡ୍ରାଗନ ଓ ହାତୀ ମିଶି ନାଚ କରୁଛନ୍ତି ବୋଲି କହିଛନ୍ତି ଚୀନର ଆମ୍ବାସାଡର ସନ ୱେଡଙ୍ଗ ।
ଚାଇନିଜ ନବବର୍ଷର ପାଳନ ଅବସରରେ କୋଲକାତାରେ ଏପରି କହିଛନ୍ତି ସେ । ଏହାସହ ଶାନ୍ତିପୂର୍ଣ୍ଣ ବାତାବରଣ ଅର୍ଥନୈତିକ ବିକାଶ ଓ ସହଯୋଗ ପାଇଁ ଆବଶ୍ୟକ ବୋଲି ସେ କହିଛନ୍ତି ।
ସେହିପରି ଭାରତ-ଚୀନ ରାଜନୈତିକ ସମ୍ପର୍କ ଚଳିତ ବର୍ଷ 70 ବର୍ଷରେ ପଦାର୍ପଣ କରିଛି । ଏହି 7 ଦଶନ୍ଧିରେ ଉଭୟ ଦେଶ ମଧ୍ୟରେ ସମ୍ପର୍କ ବହୁତ ଆଗକୁ ଯାଇଛି ବୋଲି ମଧ୍ୟ ସେ ଦର୍ଶାଇଛନ୍ତି ।
