ଚେନ୍ନାଇ: ଜଙ୍ଗଲ ଭିତରେ ହାତୀ ଓ ବିଲୁଆଙ୍କ ଲୁଚକାଳି ଖେଳ । ଏଭଳି ଏକ ମନଲୋଭା ଦୃଶ୍ୟ ଦେଖିବାକୁ ମିଳିଛି ତାମିଲନାଡ଼ୁର ନୀଳଗିରି ଜଙ୍ଗଲ ମଧ୍ୟରେ । ଘଞ୍ଚ ଜଙ୍ଗଲ ଓ ଶୀତଳ ପରିବେଶ ପର୍ଯ୍ୟଟକଙ୍କୁ ବେଶ ଆକର୍ଷିତ କରିଥାଏ ଏହି ଜଙ୍ଗଲ । ଫଳରେ ଅନେକ ପର୍ଯ୍ୟଟକ ଏହି ଜଙ୍ଗଲକୁ ବୁଲିବାକୁ ଆସିଥାନ୍ତି ।
ଭିଡ଼ିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ତେବେ ଗତକାଲି ହୋଇଥିବା ଏହି ହାତୀ-ବିଲୁଆଙ୍କ ଲୁଚକାଳି ଖେଳ ପର୍ଯ୍ୟଟକଙ୍କୁ ବେଶ ଆକର୍ଷଣ କରିଥିଲା । ଯାହାର ସ୍ବଳ୍ପ ସମୟର ଏକ ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଭାଇରାଲ ହୋଇଥିବା ଏହି ଭିଡ଼ିଓରେ ଗୋଟିଏ ହାତୀ କିଛି ବିଲୁଆଙ୍କୁ ଗୋଡାଉଥିବା ଦେଖିବାକୁ ମିଳିଛି ।
ଅନ୍ୟ ପଟେ ବିଲୁଆମାନେ ମଧ୍ୟ ହାତୀକୁ ଗୋଡ଼ାଉଥିବା ଦେଖିବାକୁ ମିଳିଛି । ଏହି ଦୃଶ୍ୟକୁ ସେଠାକୁ ଯାଇଥିବା କିଛି ପର୍ଯ୍ୟଟକ ସୁଟିଂ କରିଥିଲେ । ଯାହା ଏବେ ଭାଇରାଲ ହେବାରେ ଲାଗିଛି ।
