ନୂଆଦିଲ୍ଲୀ: 'ୱାନ ନେସନ, ୱାନ ଇଲେକସନ' କରିବାକୁ ନେଇ ମତାମତ ରଖିଛନ୍ତି ନିର୍ବାଚନ ଆୟୋଗ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପକ୍ଷରୁ ଦିଆଯାଇଥିବା ଏ ସମ୍ପର୍କିତ ପ୍ରସ୍ତାବକୁ ବୁଧବାର ଏକ ସର୍ବଦଳୀୟ ବୈଠକ ହୋଇଥିଲା। ଯେଉଁଥିରେ ଅନେକ ରାଜନୈତିକ ଦଳ ସମର୍ଥନ କରିଥିବାବେଳେ କିନ୍ତୁ ନିର୍ବାଚନ ଆୟୋଗ ଏହାକୁ ଗ୍ରୀନ ସିଗନାଲ ଦେଇ ନାହାନ୍ତି । ଏହା ଉପରେ ଏବେ ବିଚାର କରିବା ସମ୍ଭବ ପର ନୁହେଁ ବୋଲି ଇସି ପକ୍ଷରୁ କୁହାଯାଇଛି ।
ଏହାକୁ ନେଇ ଜଣେ ପୂର୍ବତନ ମୁଖ୍ୟ ନିର୍ବାଚନ ଆୟୁକ୍ତ କହିଛନ୍ତି ଯେ, ଏହି ୱାନ ନେସନ, ୱାନ ଇଲେକସନ ପ୍ରସ୍ତାବ ଯେତିକି ଉଚିତ। ସେତିକ ଅନୁଚିତ ମଧ୍ୟ । ସେ ଆହୁରି ମଧ୍ୟ କହିଛନ୍ତି ଯେ, ଯଦି ଏହା ବାସ୍ତବରେ ସମ୍ଭବ ହୋଇଥାନ୍ତା । ତେବେ ଚଳିତବର୍ଷ ଲୋକସଭା ଓ ବିଧାନସଭାର ନିର୍ବାଚନ ଏକାସାଙ୍ଗରେ ହିଁ ହୋଇଥାନ୍ତା ।
ଲୋକସଭା ନିର୍ବାଚନ ଚଳିତବର୍ଷ 7ଟି ପର୍ଯ୍ୟାୟରେ ହୋଇଥିଲା । ଯାହା 11 ଏପ୍ରିଲରୁ ଆରମ୍ଭ ହୋଇ ମେ 19ରେ ସରିଥିଲା। ମେ 23 ରେ ନିର୍ବାଚନର ଫଳାଫଳ ପ୍ରକାଶିତ ହୋଇଥିଲା ।
