ସିମଲା: ଭୂକମ୍ପର ଝଟକାରେ ଥରିଲା ହିମାଚଳର ରାଜଧାନୀ ସିମଲା । ରିକ୍ଟର ସ୍କେଲରେ ତୀବ୍ରତା 3.6 ରେକର୍ଡ କରାଯାଇଛି। ତେବେ 2020 ବର୍ଷର ଏହା ହେଉଛି ପ୍ରଥମ ଭୂକମ୍ପ ଝଟକା । ଭୂକମ୍ପର ତୀବ୍ରତା କମ୍ ଥିଲେ ବି ଲୋକମାନେ ଭୟଭୀତ ହୋଇଯିବା ସହ ବାହାରକୁ ବାହାରି ଆସିଥିଲେ।
ସୂଚନା ଅନୁସାରେ, ସୋମବାର ସକାଳ ପ୍ରାୟ 5.18ଟା ସମୟରେ ଭୂକମ୍ପ ଅନୁଭୂତ ହୋଇଥିଲା । ଭୂକମ୍ପର କେନ୍ଦ୍ର ସିମଲାର ଧରାତଲରୁ 10 କିଲୋମିଟର ଗଭୀରତାରେ ସୃଷ୍ଟି ହୋଇଥିବା ଜଣାପଡିଛି। ଭୂକମ୍ପ ପାଇଁ ଉପତ୍ୟକାରେ କୌଣସି କ୍ଷୟକ୍ଷତି ହୋଇନାହିଁ ।
ଖବର ଥାଉକି, ଏହା ପୂର୍ବରୁ ଜାନୁୟାରୀ 2 ଓ 3ରେ ଭୂକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହାର ତୀବ୍ରତା 3.4 ଓ 3.7 ଥିବା ରେକର୍ଡ କରାଯାଇଛି।
