ଜୟପୁର: ମୃଦୁ ଭୂକମ୍ପରେ ଥରିଲା ରାଜସ୍ଥାନ । ଭୂକମ୍ପର ତୀବ୍ରତା ରିକ୍ଟର ସ୍କେଲରେ 4.0 ଥିବା ଜଣାପଡିଛି । ରାତି 10.31 ସମୟରେ ଏହି ଭୂକମ୍ପ ଅନୁଭୂତ ହୋଇଛି । ଭୂକମ୍ପରେ ରାସ୍ତା ଫାଟ ସୃଷ୍ଟି ହେବା ସହ ଘର ଦ୍ବାର ଭାଙ୍ଗି ଯାଇଛି । ଭୂକମ୍ପର ଝଟକା ରାଜ୍ୟର ଆଖପାଖ ଅଞ୍ଚଳ ଯେପରିକି ସିରୋହୀ,ସ୍ବରୂପଗଞ୍ଜ,ପିନ୍ଧିୱାଡାରେ ଅନୁଭୂତ ହୋଇଛି ।
ଖବର ଅନୁସାରେ, 10 ସେକେଣ୍ଡ ଧରି ଅନୁଭୂତ ହୋଇଥିବା ଏହି ଭୂକମ୍ପରେ ଲୋକମାନେ ଭୟଭୀତ ହୋଇ ଘରୁ ବାହାରକୁ ପଳାଇଆସିଥିଲେ । ସେହିପରି ରାତି 10ଟା ସୁଦ୍ଧା ଗୁଜୁରାଟରେ ବି ମୃଦୁ ଭୂମିକମ୍ପ ଅନୁଭୂତ ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।
