ନୂଆଦିଲ୍ଲୀ: କୋରୋନା ସଙ୍କଟ ଯୋଗୁଁ ଜାରି ହୋଇଥିବା ଲକଡାଉନରେ IRCTC ବହୁତ କ୍ଷତି ସହିଛି । ଏପ୍ରିଲ, ମେ' ଏବଂ ଜୁନ ମାସରେ କମ୍ପାନୀକୁ 24.6 କୋଟି ଟଙ୍କା କ୍ଷତି ସହିବାକୁ ପଡିଛି । ଯେତେବେଳେ କି, 2019 ରେ ଏପ୍ରିଲ-ଜୁନ ମାସରେ କମ୍ପାନୀକୁ 72.33 କୋଟି ଟଙ୍କା ଲାଭ ହୋଇଥିଲା । ମାର୍ଚ୍ଚ ଠାରୁ ରେଳ ସେବା ଉପରେ ପ୍ରତିବନ୍ଧକ ଧୀରେ ଧୀରେ ହଟାଯାଉଛି, ଯଦିଓ ଅଧିକାଂଶ ସାଧାରଣ ଯାତ୍ରୀ ସେବା ଉପରେ ନିଷେଧାଦେଶ ଜାରି କରାଯାଇଛି ।
ମାର୍ଚ୍ଚ ମାସରୁ ତିନି ମାସ ଧରି ମାଲବାହୀ ଟ୍ରେନ ଏବଂ ସ୍ୱତନ୍ତ୍ର ଟ୍ରେନ ବ୍ୟତୀତ ଅନ୍ୟ ସମସ୍ତ ଯାତ୍ରୀ ସେବା ବନ୍ଦ ରହିଥିଲା । ଏହି ସମୟରେ IRCTC, ଭାରତୀୟ ରେଳବାଇର କ୍ୟାଟେରିଂ, ପର୍ଯ୍ୟଟନ ଏବଂ ଟିକେଟ କାର୍ଯ୍ୟ ବୁଝାବୁଝି କରୁଥିବା କମ୍ପାନୀ ଅନ୍ୟ ପର୍ଯ୍ୟଟନ ସେବା ସହିତ ମଧ୍ୟ ଜଡିତ ଅଛି।
ମାର୍ଚ୍ଚରୁ ଜୁନ ମାସରେ IRCTCର ଆୟ 71 ପ୍ରତିଶତ ହ୍ରାସ ପାଇ 131.33 କୋଟିରେ ପହଞ୍ଚିଛି। ଗତ ବର୍ଷ ସମାନ ଅବଧିରେ IRCTC 459 କୋଟି ଟଙ୍କା ଆୟ କରିଥିଲା।
3 ମାସ ମଧ୍ୟରେ କମ୍ପାନୀର ସମସ୍ତ ବିଭାଗରେ ତୀବ୍ର କ୍ଷତି ହୋଇଛି । ତେବେ ସବୁଠୁ ବଡ ହ୍ରାସ ପର୍ଯ୍ୟଟନ ବିଭାଗରେ ରେକର୍ଡ କରାଯାଇଛି। ପର୍ଯ୍ୟଟନ ବିଭାଗର ଆୟ ଗତ ବର୍ଷ 47.62 କୋଟିରୁ 2.95 କୋଟି ଟଙ୍କାକୁ ଖସି ଆସିଛି।
ଗତ ବର୍ଷ ତୁଳନାରେ କ୍ୟାଟରିଂରୁ ଆୟ 272 କୋଟିରୁ 90 କୋଟି ଟଙ୍କାକୁ ଖସି ଆସିଛି। ଏଥି ସହିତ ଇଣ୍ଟରନେଟ ମାଧ୍ୟମରେ ଟିକେଟ ବୁକିଂ 82 କୋଟିରୁ 35.22 କୋଟି ଟଙ୍କାକୁ ଖସି ଆସିଛି ।
