ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଦିଲ୍ଲୀ ବିଶ୍ବବିଦ୍ୟାଳୟ ପକ୍ଷରୁ ହେବାକୁ ଥିବା ସମସ୍ତ ଥିୟୋରୀ ଓ ପ୍ରାକ୍ଟିକାଲ ପରୀକ୍ଷାକୁ ସ୍ଥଗିତ ରଖାଯାଇଛି । ପରବର୍ତ୍ତୀ ନିର୍ଦ୍ଦେଶାନାମା ଜାରି ପର୍ଯ୍ୟନ୍ତ ଏହି ନିଷ୍ପତ୍ତି ବଳବତ୍ତର ରହିବ ବୋଲି ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି ।
ବିଶ୍ବବିଦ୍ୟାଳୟ ପକ୍ଷରୁ ୱେବସାଇଟରେ ଏକ ବିଜ୍ଞପ୍ତି ଜାରି କରାଯାଇଛି ଯେ, ନିୟମିତ କଲେଜ, ସ୍କୁଲ ଅଫ ଓପନ ଲର୍ଣ୍ଣିଂ ଏବଂ ଅଣ କଲେଜିଏଟ ମହିଳା ଶିକ୍ଷା ବୋର୍ଡର ଛାତ୍ରଛାତ୍ରୀଙ୍କ ସମସ୍ତ ପରୀକ୍ଷା ସ୍ଥଗିତ ରଖାଯାଇଛି । ପୂର୍ବରୁ ପରୀକ୍ଷା ପ୍ରସଙ୍ଗରେ ଜାରି କରାଯାଇଥିବା ବିଭିନ୍ନ ତାରିଖ ପ୍ରତ୍ୟାହାର କରାଯାଇଛି । ସେହିପରି କର୍ତ୍ତୃପକ୍ଷଙ୍କ ତରଫରୁ ନିୟମିତ ବ୍ୟବଧାନରେ ଅଫିସିଆଲ ୱେବସାଇଟ - www.exam.du.ac.in ଯାଞ୍ଚ ରଖିବାକୁ ଛାତ୍ରଛାତ୍ରୀମାନଙ୍କୁ ପରାମର୍ଶ ଦିଆଯାଇଛି |
ବର୍ତ୍ତମାନ ସୁଦ୍ଧା ଦିଲ୍ଲୀରେ 898 ଜଣ କୋରୋନା ପଜିଟିଭ ରହିଛନ୍ତି । ସେହିପରି କୋରୋନାରେ 13 ଜଣଙ୍କର ମୃତ୍ୟୁ ହୋଇଛି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
@ANI
