24 କିଲୋ ବେଆଇନ ସୁନା ଜବତ, 6 ଗିରଫ

ପଶ୍ଚିମବଙ୍ଗର ସିଲିଗୁଡିର ବର୍ଦ୍ଧମାନ ରୋଡରେ ସୁନା ଚୋରାଚାଲାଣ କରୁଥୁବା ବେଳେ ପୋଲିସ ହାତରେ ଧରାପଡିଲେ 6 ଅଭିଯୁକ୍ତ । 24 କିଲୋଗ୍ରାମର ସୂଚନା ଜବତ କରିଛି ପୋଲିସ ।

କଲିକତା: ପଶ୍ଚିମବଙ୍ଗରୁ ବେଆଇନ ସୁନା ଚାଲାଣର ଏକ ବଡ ରାକେଟ ଠାବ ହୋଇଛି । 20ଟି ସୁନା ବାର ଏବଂ 25 ସୁନା ବିସ୍କୁଟ ଜବତ କରିଛି ସିଲିଗୁଡି ୟୁନିଟର ଡିଆରଆଇ । ଚାଲାଣ ହେଉଥିବା ସୁନାର ଓଜନ ପାଖାପାଖି 24 କିଲୋଗ୍ରାମ ହୋଇଥିବା ପୋଲିସ ସୂଚନା ଦେଇଛି । ଉକ୍ତ ମାମଲାରେ 6 ଜଣଙ୍କୁ ଗିରଫ କରିଛି ପୋଲିସ ।

ଫଟୋ ସୌଜନ୍ୟ: ଏଏନଆଇ

ସୂଚନା ଅନୁସାରେ ଅଭିଯୁକ୍ତମାନେ ସିଲିଗୁଡିର ବର୍ଦ୍ଧମାନ ରୋଡରେ ସୁନା ଚାଲାଣ କରୁଥୁବା ବେଳେ ଧରାପଡିଛନ୍ତି । ପୋଲିସ ଅଭିଯୁକ୍ତଙ୍କୁ ସିଲିଗୁଡି କୋର୍ଟଚାଲାଣ କରିଛି । ତେବେ ଅଭିଯୁକ୍ତଙ୍କ ସମ୍ପର୍କରେ ଏପର୍ଯ୍ୟନ୍ତ କିଛି ଜଣାପଡିନି । ଏନେଇ ପୋଲିସ ଅଧିକ ତଦନ୍ତ କରୁଛି ।