ଥାଇଲାଣ୍ଡ:ବର୍ତ୍ତମାନ ହାଇଟେକ ଜମାନାରେ ସମସ୍ତେ ସ୍ମାର୍ଟ । ଏପରିକି ଭିକ ମାଗୁଥିବା ଲୋକ ଅନେକ ସମୟରେ ସ୍ବାଇପ ମେସିନ ଧରି ବୁଲୁଛନ୍ତି। ତେବେ ଅନେକ ସମୟରେ କିଛି ଲୋକ କଷ୍ଟ କାମ ନକରି ଅଳସୁଆ ହୋଇ ଭିକ ମାଗିବାକୁ ଏକ ସହଜ ସରଳ ରାସ୍ତା ବୋଲି ଭାବିନିଅନ୍ତି। ଏହାସହ ହାତ ଗୋଡ ଭାଙ୍ଗିଲା ପରି ମିଛ ଅଭିନୟ କରନ୍ତି। ହେଲେ ଏହା ମଣିଷଙ୍କ କ୍ଷେତ୍ରରେ ସମ୍ଭବ। କିନ୍ତୁ ବର୍ତ୍ତମାନ ଯେଉଁ ଦୃଶ୍ୟ ଦେଖିବେ ଆପଣ ଆଶ୍ଚର୍ଯ୍ୟ ହୋଇଯିବେ। ଏପରି ମିଛ ଅଭିନୟ କରି ଖାଦ୍ୟ ଖାଇବାକୁ ପଛାଇ ନାହିଁ କୁକୁର।
ଖବର ଅନୁଯାୟୀ, ଥାଇଲାଣ୍ଡରେ ଗୋଟେ କୁକୁର ଚମତ୍କାର ଅଭିନୟ କରି ସମସ୍ତ ମନ କିଣିନେଇଛି। କୁକୁରଟି ଗୋଡି ଭାଙ୍ଗିବା ପରି ଅଭିନୟ କରି ରାସ୍ତା ପାର ହେଉଥିବା ଏକ ଭିଡିଓ ବର୍ତ୍ତମାନ ଭାଇରାଲ ହେଉଛି। ତେବେ ଏହି ଅଭିନୟ ଖାଦ୍ୟ କି ମଜ୍ଜା ପାଇଁ କୁକୁରଟି କରିଥାଇପାରେ। ଏହି ଭିଡିଓଟିକୁ ରାସ୍ତାରେ ଯାଉଥିବା ମହିଳା ରେକର୍ଡ କରିବା ସହ ସୋସିଆଲ ମିଡିଆରେ ଭାଇରାଲ କରିଛନ୍ତି।
ତେବେ କୁକୁରଟିର ନାମ କାଓ । ଘଟଣା ପରେ କୁକୁରଟିକୁ ଏକ ପଶୁ ଡାକ୍ତରଙ୍କ ପାଖକୁ ଚିକିତ୍ସା ପାଇଁ ନିଆଯାଇଥିଲା। ଡାକ୍ତରଙ୍କ କହିବା ଅନୁସାରେ କୁକୁରଟି ସମ୍ପୂର୍ଣ୍ଣ ସୁସ୍ଥ କେବଳ ଲୋକଙ୍କ ଧ୍ୟାନ ଆକର୍ଷଣ କରିବାକୁ ସେ ଏପରି ଛୋଟା ହେବାର ଅଭିନୟ କରିଥାଏ।
